తన భర్త విష్ణుప్రసాద్ తో కలిసి ‘గోల్డ్ బాక్స్ ఎంటర్‌టైన్‌మెంట్స్’ నిర్మాణ సంస్థను నెలకొల్పి, తొలి ప్రయత్నంగా ‘షూట్-అవుట్ ఎట్ ఆలేరు’. అనే పేరుతో ఓ వెబ్ సిరీస్ ను నిర్మించారు. ఇందులో ప్రకాష్ రాజ్, శ్రీకాంత్, నందిని రాయ్ తదితరులు ప్రధాన పాత్రధారులు. దీనికి ఆనంద్ రంగా దర్శకత్వం వహించారు. ఇంటెన్స్ అండ్ యాక్షన్ డ్రామాగా రూపొందిన ఈ సిరీస్ క్రిస్మస్ సందర్భంగా డిసెంబర్ 25న ‘జీ 5’లో ప్రత్యేకంగా స్ట్రీమింగ్ కానుంది. మొత్తం 8 ఎపిసోడ్స్ ఈ సిరీస్ లో ఉంటాయని ‘జీ 5’ వర్గాలు వెల్లడించాయి. ఈ నేపథ్యంలో ఈ సిరీస్ ట్రైలర్ ను విడుదల చేశారు.
ఈ ట్రైలర్లో పోలీసులను నడిరోడ్డు మీద తుపాకీతో కాల్చి చంపుతున్న ఘటనలు వార్తల్లో ప్రధాన అంశంగా కనిపిస్తాయి. 2007 నుంచి 2010 వరకు ప్రతి సంవత్సరం మక్కా మసీదు బాంబు పేలుడు ఘటన రోజున హిందూ పోలీసులను చంపిన అక్తరే, ప్రస్తుత చావులకు కారణమా? అన్న అనుమానాన్ని మీడియా తెలియజేస్తుంది. ఐదు సంవత్సరాల క్రితం ఎన్ కౌంటర్లో చనిపోయిన అక్తర్ ఈ దురాగతానికి కారణం అంటే పోలీసులకు నమ్మశక్యం అవుతుందా? చనిపోయిన అక్తర్ తిరిగి ఎలా బతికొచ్చాడు?
తమపై జరుగుతున్న దమనకాండకు పోలీసులు ఎలా ;చరమగీతం పలికారు? వంటి అంశాలు ఉన్నాయి ఇదంతా వెబ్ సిరీస్ చుస్తే మరింత విపులంగా తెలుస్తుందని అర్థమవుతోంది.
Must Read ;- ఔరా.. అమీర్ ఖాన్ తనయ ఐరా.. దేనికైనా సైసైరా!
