నటసింహ నందమూరి బాలకృష్ణ వరుస సినిమాలను ఓకే చేస్తూ యంగ్ హీరోలకు సవాలు విసురుతున్నారు. ఆయన ప్రస్తుతం బోయపాటి శ్రీను దర్శకత్వంలో ఒక సినిమాలో నటిస్తున్నసంగతి తెలిసిందే. ఈ సినిమా షూటింగ్ కరోనా కారణంగా మధ్యలోనే నిలిచిపోయింది. తిరిగి ఈమధ్యనే షూటింగ్ పునః ప్రారంభం అయ్యింది. దీని తర్వాత బాలయ్య తనకు బాగా కలిసొచ్చిన డైరెక్టర్ బి. గోపాల్ తో కూడా ఒక సినిమా చేయబోతున్నారు. ‘బాలయ్య – బి. గోపాల్’ కాంబినేషన్ కోసం మనం ప్రత్యేకంగా చెప్పుకోనవసరం లేదు. వీరిద్దరిది మొదటి నుండి సూపర్ హిట్ కాంబినేషన్. ప్రస్తుతం ఈ సినిమాకు సంబంధించిన ప్రీ ప్రొడక్షన్ పనులను చక చక జరుగుతున్నాయని సమాచారం.
దీనికి టాలీవుడ్ టాప్ రైటర్ సాయి మాధవ్ బుర్రా డైలాగ్స్ రాస్తున్నారని టాక్ . ఈ సినిమా తర్వాత బాలయ్య డేర్ అండ్ డాషింగ్ డైరెక్టర్ పూరీ జగన్నాథ్ దర్శకత్వంలో ఒక సినిమా చేయనున్నారని వినికిడి. ‘ఫైటర్’ సినిమా తర్వాత పూరీ, బాలయ్యతోనే సినిమా చేస్తాడని సమాచారం. పూరీ ప్రస్తుతం కథ రాస్తోంది బాలయ్య కోసమేనని, ఇప్పటికే అతడు బాలయ్యకి స్టోరీ లైన్ వినిపించాడని, బాలయ్య కూడా గ్రీన్ సిగ్నల్ ఇచ్చాడని సమాచారం. ఇప్పటికే బాలయ్య, పూరీ దర్శకత్వంలో ‘పైసా వసూల్’ అనే సినిమాలో నటించాడు. ఈ సినిమా రిజల్ట్ ఎలా ఉన్న ఆ సినిమాలో బాలయ్యను చాలా కొత్తగా చూపించాడు పూరీ.
తాజాగా బాలయ్య దర్శకుడు శ్రీవాస్ సినిమాని కూడా ఫైనల్ చేసుకున్నాడని సమాచారం. ఈ సినిమా ఫుల్ యాక్షన్, ఎంటర్టైనర్ గా తెరకెక్కబోతుందని టాక్ నడుస్తుంది. ఇప్పటికే శ్రీవాస్ దర్శకత్వంలో బాలయ్య ‘డిక్టేటర్’ అనే సినిమాలో నటించాడు. సంక్రాంతి కానుకగా వచ్చిన ఆ సినిమా బాక్స్ ఆఫీస్ వద్ద మంచి విజయం అందుకున్న విషయం తెలిసిందే. ఇలా వరుస సినిమాలను ఓకే చేస్తూ టాలీవుడ్ లో బాలయ్య దూసుకుపోతున్నాడు.
