పున: ప్రారంభానికి ‘శ్రీకారం’

కొంతకాలంగా వరుస పరాజయాలు ఫేస్ చేస్తున్నాడు యంగ్ హీరో శర్వానంద్. ఆ కారణంగానే తదుపరి చిత్రాల విషయంలో జాగ్రత్తగా అడుగులు వేస్తున్నాడు. మంచి కథల్ని ఎంపికచేసుకుంటూ.. తన కెరీర్ ను గాడిలో పెట్టే ప్రయత్నం చేస్తున్నాడు.  ఈ క్రమంలో  టాలెంటెడ్ యువ దర్శకులతోనే పనిచేయాలని నిర్ణయించుకున్నాడు. అందులో భాగంగానే..  కిషోర్ రెడ్డి అనే కొత్త కుర్రోడి దర్శకత్వంలో  ‘శ్రీకారం’ అనే సినిమాలో నటిస్తున్నాడు శర్వానంద్. లాక్ డౌన్ కారణంగా ఆగిపోయిన ఈ సినిమా  షూటింగ్ .. ఏడునెలల తర్వాత ఈ రోజే తిరిగి ప్రారంభం అయింది. 14 రీల్స్ ప్లస్ బ్యానర్ పై రామ్ ఆచంట, గోపీచంద్ ఆచంట ఈ సినిమాను సంయుక్తంగా నిర్మిస్తున్నారు.

శర్వానంద్ వ్యవసాయదారుడిగా నటిస్తున్న ‘శ్రీకారం’ సినిమా షూటింగ్ ను కోవిడ్ 19 నిబంధనలకు  అనుగుణంగా అన్ని జాగ్రత్తలు తీసుకుంటూ.. పున: ప్రారంభించారు. మొన్నా మధ్య విడుదలైన శ్రీకారం టీజర్ అందరినీ ఆకట్టుకుంది. రీతూ వర్మ కథానాయికగా నటిస్తోన్న ఈ సినిమాలో అమలా అక్కినేని మరో ముఖ్యపాత్ర పోషిస్తోంది. బుర్రా సాయిమాధవ్ సంభాషణలు అందిస్తుండగా.. మిక్కీ జే మేయర్ సంగీతం సమకూర్చుతున్నారు.

how it started. how it’s going ❤️ pic.twitter.com/DdlDwNvAna

— 14 Reels Plus (@14ReelsPlus) October 8, 2020