తిరుమలేశుని నవరాత్రి  బ్రహ్మోత్సవాలు ఆలయంలోనే!

తిరుమల శ్రీవారి  నవరాత్రి బ్రహ్మోత్సవాలను ఆలయం లోపల ఏకాంతం గానే నిర్వహించాలని టీటీడీ నిర్ణయించింది. కరోనా ముప్పు పూర్తిగా తొలగ నందున టిటిడి ఈ నిర్ణయం తీసుకుంది. గత నెలలో జరిగిన సాలకట్ల బ్రహ్మోత్సవాలను ఆలయంలోనే టిటిడి నిర్వహించిన నిర్వహించిన విషయం తెలిసిందే. ఈనెల 16వ తేదీ నుంచి మొదలయ్యే నవరాత్రి బ్రహ్మోత్సవాలను బహిరంగంగా గతంలో వలే నిర్వహించాలని తొలుత అధికారులు నిర్ణయించారు. 

మాడ వీధుల లోని గ్యాలరీ లలో భౌతిక దూరం పాటిస్తూ పరిమిత సంఖ్యలో భక్తులను అనుమతించాలని నిర్ణయం తీసుకున్నారు. ఈ మేరకు గ్యాలరీ లో భక్తులు ఎక్కడ ఎక్కడ  కూర్చోవాలో మార్కింగ్ వేశారు. దీంతో ఉత్సవాల సందర్భంగా శ్రీవారి  ఉత్సవమూర్తులను దర్శించే భాగ్యం కలుగుతుందని భక్తులు భావించారు. అయితే ఇటీవలే టిటిడి ఈవోగా బాధ్యతలు స్వీకరించిన కేఎస్ జవహర్ రెడ్డి  సోమవారం మాడ వీధులను పరిశీలించారు. రాష్ట్రంతోపాటు తమిళనాడు, కర్ణాటక, తెలంగాణ రాష్ట్రాల్లో ప్రస్తుతం కరోనా వ్యాప్తి తీరును అధ్యయనం చేశారు. 

ఈ నేపథ్యంలో నవరాత్రి బ్రహ్మోత్సవాలను సైతం ఏకాంతంగానే ఆలయం లోపల నిర్వహించాలని మంగళవారం ఉదయం నిర్ణయించారు. దీంతో ఉత్సవమూర్తులకు రంగనాయక మండపంలో బ్రహ్మోత్సవాలు జరగనున్నాయి. అయితే గతంలో వలే ఎస్ వి బి సి లో బ్రహ్మోత్సవాలను ప్రత్యక్ష ప్రసారం చేయనున్నారు.

శ్రీ‌వారి న‌వ‌రాత్రి బ్ర‌హ్మోత్స‌వాలు – 2020 వాహ‌న‌సేవ‌లు

శ్రీవారి న‌వ‌రాత్రి బ్రహ్మోత్సవాలు అక్టోబ‌రు 16 నుంచి 24వ తేదీ వరకు జరుగనున్నాయి. కోవిడ్‌-19 వ్యాధి వ్యాప్తి నివార‌ణ చ‌ర్య‌ల్లో భాగంగా ప‌రిమిత సంఖ్య గ‌ల‌ భ‌క్తుల‌తో ఈ బ్ర‌హ్మోత్స‌వాల వాహ‌న‌‌సేవ‌ల ఊరేగింపు నిర్వ‌హించాల‌ని టిటిడి నిర్ణ‌యించింది. వాహ‌న‌సేవ‌ల వివ‌రాలు ఇలా ఉన్నాయి.

15.10.2020 – గురువారం

అంకురార్ప‌ణ – రాత్రి 7 నుండి 8 గంటల వ‌ర‌కు.

16.10.2020 – శుక్ర‌వారం

బంగారు తిరుచ్చి ఉత్స‌వం –  ఉద‌యం 9 నుండి 11 గంట‌ల వ‌ర‌కు.

పెద్ద‌శేష వాహ‌నం – రాత్రి 7 నుండి 9 గంట‌ల వ‌ర‌కు.

17.10.2020 – శ‌ని‌వారం

చిన్న‌శేష వాహ‌నం – ఉద‌యం 8 నుండి 10 గంట‌ల‌కు వ‌ర‌కు.

హంస వాహ‌నం – రాత్రి 7 నుండి 9 గంట‌ల వ‌ర‌కు.

18.10.2020 – ఆది‌‌వారం

సింహ వాహ‌నం – ఉద‌యం 8 నుండి 10 గంట‌ల‌కు వ‌ర‌కు.

ముత్య‌పుపందిరి వాహ‌నం – రాత్రి 7 నుండి 9 గంట‌ల వ‌ర‌కు.

19.10.2020 – సోమ‌‌‌వారం

క‌ల్ప‌వృక్ష వాహ‌నం – ఉద‌యం 8 నుండి 10 గంట‌ల‌కు వ‌ర‌కు.

స‌ర్వ‌భూపాల‌ వాహ‌నం – రాత్రి 7 నుండి 9 గంట‌ల వ‌ర‌కు.

20.10.2020 – మంగ‌ళ‌‌‌వారం

మోహినీ అవ‌తారం – ఉద‌యం 8 నుండి 10 గంట‌ల‌కు వ‌ర‌కు.

గ‌రుడ‌సేవ‌ – రాత్రి 7 నుండి 12 గంట‌ల వ‌ర‌కు.

21.10.2020 – బుధ‌‌వారం

హ‌నుమంత వాహ‌నం – ఉద‌యం 8 నుండి 10 గంట‌ల‌కు వ‌ర‌కు.

పుష్ప‌క‌విమానం- సాయంత్రం 3 నుండి 5 గంట‌ల వ‌ర‌కు.

గ‌జ వాహ‌నం – రాత్రి 7 నుండి 9 గంట‌ల వ‌ర‌కు.

22.10.2020 – గురువారం

సూర్య‌ప్ర‌భ వాహ‌నం – ఉద‌యం 8 నుండి 10 గంట‌ల‌కు వ‌ర‌కు.

చంద్ర‌ప్ర‌భ వాహ‌నం – రాత్రి 7 నుండి 9 గంట‌ల వ‌ర‌కు.

23.10.2020 – శుక్ర‌‌‌వారం

స్వ‌ర్ణ ర‌థోత్స‌వం- ఉద‌యం 8 గంట‌ల‌కు.

అశ్వ వాహ‌నం – రాత్రి 7 నుండి 9 గంట‌ల వ‌ర‌కు.

24.10.2020 – శ‌ని‌‌వారం

ప‌ల్ల‌కీ ఉత్స‌వం మ‌రియు తిరుచ్చి ఉత్స‌వం – ఉద‌యం 3 నుండి 5 గంట‌ల వ‌ర‌కు.

స్న‌ప‌న‌తిరుమంజ‌నం మ‌రియు చ‌క్ర‌స్నానం – ఉద‌యం 6 నుండి 9 గంట‌ల వ‌ర‌కు.

బంగారు తిరుచ్చి ఉత్స‌వం – రాత్రి 7 నుండి 9 గంట‌ల వ‌ర‌కు.