అక్కినేని నాగార్జున తండ్రీ కొడుకులుగా ద్విపాత్రాభినయం చేసిన ఫ్యామిలీ ఎంటర్ టైనర్ ‘సోగ్గాడే చిన్నినాయనా’. 2016లో విడుదలైన ఈ సినిమా సూపర్ హిట్టయింది. కళ్యాణ్ కృష్ణ దర్శకత్వంలో తెరకెక్కిన ఆ సినిమాకి సీక్వెల్ తెరకెక్కించాలని అప్పట్లోనే ప్రయత్నాలు జరిగాయి . అయితే నాగ్ కి స్ర్కిప్ట్ సంతృప్తికరంగా అనిపించని కారణం చేత .. ఎన్నోసార్లు మార్పులు చేర్పులు చేశాడు దర్శకుడు. ఎట్టకేలకు ఈ సినిమా స్ర్కిప్ట్ ను లాక్ చేశాడట కళ్యాణ్ కృష్ణ. ప్రస్తుతం కేస్టింగ్ సెట్ చేసే పనిలో ఉన్నారు.
‘బంగార్రాజు’ పేరుతో రూపొందుతున్న ఈ సినిమాకి ప్రీప్రొడక్షన్ పనులు చక చక జరుగుతున్నాయి. .జూన్ లో కానీ.. జూలైలో కానీ సినిమాను సెట్స్ పైకి తీసుకెళ్ళాలనుకుంటున్నారు. ఈ విషయాన్ని ఇటీవల ‘వైల్డ్ డాగ్’ మూవీ డేట్ అనౌన్స్ మెంట్ రోజున నాగార్జున వెల్లడించారు. 2022 సంక్రాంతికి బంగార్రాజు మూవీతో బరిలోకి దిగాలని నాగ్ ప్లానట. అయితే అదే సీజన్ లో పవన్ కళ్యాణ్ , మహేశ్ బాబు తమ సినిమాలతో బరిలో ఉన్నారు. మరి నాగ్ .. ఆ ఇద్దరికీ ఏ మేరకు పోటీనిస్తారో చూడాలి.
Also Read : నాగార్జున ‘బ్రహ్మాస్త్ర’ ఎలా ఉండబోతోందో?
