యంగ్ హీరో నిఖిల్ .. ఎర్లియర్ గా ‘అర్జున్ సురవరం’ సినిమాతో సాలిడ్ హిట్ కొట్టాడు. తమిళ ‘గణితన్’ మూవీకి రీమేక్ గా రూపొందిన ఈ సినిమా కథాంశం నకలీ సర్టిఫికెట్స్ స్కామ్ నేపథ్యంలో థ్రిల్లింగ్ గా సాగుతుంది. అయితే ఇప్పుడు నిఖిల్ నటిస్తున్న తాజా చిత్రం ‘18 పేజెస్’ లో కూడా ఓ అంశం ప్రేక్షకుల్ని అబ్బుర పరుస్తుందని తెలుస్తోంది. ‘కుమారి 21 ఎఫ్’ ఫేమ్ సూర్య ప్రతాప్ పల్నాడు దర్శకత్వంలో తెరకెక్కుతోన్న ఈ సినిమాను అల్లు అరవింద్ సమర్ఫణ లో బన్నీ వాసు నిర్మిస్తున్నారు. దీనికి బ్రిలియంట్ దర్శకుడు సుకుమార్ స్టోరీ, స్ర్కీన్ ప్లే అందిస్తున్నారు.
ప్రస్తుతం హైద్రాబాద్ లోని ఒక గెస్ట్ హౌస్ లో చిత్రీకరణ జరుపుకుంటోన్న 18 పేజెస్ మూవీ లో అనుపమా పరమేశ్వరన్ కథానాయికగా నటిస్తోంది. ఇక ఈ సినిమాలో హీరో నిఖిల్ పాత్ర ను డిఫరెంట్ గా డిజైన్ చేశారట. అతడు మెమరీలాస్ తో బాధపడుతూ ఉంటాడట. ఈ నేపథ్యంలో సాగే సంఘటనలు ప్రేక్షకుల్ని భలేగా థ్రిల్ చేస్తాయని చెప్పుకుంటున్నారు. లవ్ స్టోరీలో ఇంత థ్రిల్లింగ్ పాయింట్ ఈ మధ్య కాలంలో ఎప్పుడూ రాలేదని తెలుస్తోంది. ఇందులో కీలకమైన పాయింట్ 18 పేజెస్ లో దాగిన ఓ సీక్రెటే అని టాక్స్ వినిపిస్తున్నాయి. అదే ఈ సినిమాకి కీలకమని అంటున్నారు. మరి ఈ సినిమాతో నికిల్ ఏ రేంజ్ ఇమేజ్ సొంతం చేసుకుంటాడో చూడాలి.
