కర్ణాటక జలవనరుల శాఖా మంత్రి రమేష్ జార్కి హోలి రాసలీలల వీడియో ఇప్పుడు దేశ వ్యాప్తంగా ప్రకంపనలు సృష్టిస్తోంది. బెంగుళూర్ నగరంలోని ఆర్టీ నగరలో ఉండే యువతి మంత్రిని కలిసిన సందర్భంలో ఆమెపై కన్ను వేసిన మంత్రి సదరు యువతిని లోబర్చుకున్నట్లు తెలుస్తోంది. అయితే ఉద్యోగ నిమిత్తం ఆమెని తరచుగా తన దగ్గరకు తిప్పించుకున్న మంత్రివర్యులు ఆమె కోరిన ఉద్యోగం మాత్రం ఇప్పించకపోవడంతో రాసలీలల మంత్రికి తగిన బుద్ది చెప్పాలని భావించి రహస్యంగా సెల్ ఫోన్లో చిత్రీకరించినట్లు తెలుస్తోంది.
నేను ఎలాంటి తప్పు చేయలేదు : మంత్రి రమేష్
మంత్రితో సదరు యువతి సన్నిహితంగా ఉన్న వీడియో సోషల్ మీడియాలో వైరల్ అవ్వడంతో మంత్రి రమేష్ జార్కి హోలి మంగళవారం రాత్రి ఎట్టకేలకు స్పందించారు. సోషల్ మీడియాలో వైరల్ అవుతున్న వీడియో తాను చూడలేదని , తాను ఎలాంటి తప్పు చేయలేదు కాబట్టి రాజీనామా చేయాల్సిన అవసరం లేదని తేల్చి చెప్పారు. ఇదిలా ఉండగా కర్ణాటక పౌర హక్కుల పోరాట సమితి అధ్యక్షుడు దినేష్ కల్లహళ్లి బెంగుళూర్ నగర పోలీస్ కమీషనర్కు మంత్రి పై ఫిర్యాదు చేశారు. మంత్రి రమేష్ జార్కి హోలి వల్ల సదరు యువతికి ప్రాణహాని ఉందని , అందుకే ఆమె తనను ఆశ్రయించిందని ,ఈ విషయంలో త్వరితగతిన దర్యాప్తు చేయాల్సిందిగా విజ్ఞప్తి చేశారు.
Also Read : మోదీకి శివసేన ప్రాంతీయ స్కెచ్
