ఇటీవల కరోనా బారిన పడిన రాజా.. ఆ వైరస్ నుంచి కోలుకున్న తర్వాత తీవ్ర అనారోగ్యానికి గురై నేటి ఉదయం హైదరాబాద్ లో తుది శ్వాస విడిచారు. వైటీ రాజా మరణంతో టీడీపీ శ్రేణులు విచారంలో మునిగిపోయాయి.
రాజకీయాలకు ముందు తణుకు కన్ఝూమర్స్ స్టోర్స్ అధ్యక్షుడిగా పనిచేసిన వైటీ రాజా… ఆ తర్వాత రాజకీయాల్లోకి ఎంట్రీ ఇచ్చి 1999లో టీడీపీ అభ్యర్థిగా తణుకు అసెంబ్లీ నుంచి బరిలోకి దిగి విజయఢంకా మోగించారు. ఐదేళ్ల పాటు ఎమ్మెల్యేగా పనిచేసిన వైటీ రాజా… తణుకులోనే కాకుండా పశ్చిమ గోదావరి జిల్లా రాజకీయాల్లో తనకంటూ ఓ ప్రత్యేక స్థానాన్ని సంపాదించుకున్నారు. ఆ తర్వాత కూడా రాజకీయాల్లో యాక్టివ్ గానే ఉన్న రాజా 2004, 2009 ఎన్నికల్లోనూ టీడీపీ అభ్యర్థిగా తణుకు నుంచే పోటీ చేసి ఓటమిపాలయ్యారు.
కరోనా మహమ్మారి విజృంభణ నేపథ్యంలో ఇటీవలే ఆ వైరస్ బారిన పడిన వైటీ రాజా… సరైన సమయంలో చికిత్స తీసుకుని కరోనా నుంచి కోలుకున్నారు. అయితే కరోనా నుంచి కోలుకున్న తర్వాత 10 రోజులకు రాజా మరోమారు అనారోగ్యానికి గురయ్యారు. ఈ క్రమంలో హైదరాబాద్ లోని ఓ ప్రైవేట్ ఆసుపత్రిలో చికిత్స నిమిత్తం చేరారు.చికిత్స తీసుకుంటున్న క్రమంలో అనారోగ్యం నుంచి కోలుకోలేక వైటీ రాజా నేటి ఉదయం తుది శ్వాస విడిచారు. వైటీ రాజా మరణ వార్త తెలిసిన వెంటనే టీడీపీ అధినేత నారా చంద్రబాబునాయుడు, ఆ పార్టీ కార్యకర్తలు తీవ్ర విచారంలో మునిగిపోయారు. రాజా ఆత్మకు శాంతి చేకూరాలని చంద్రబాబు సంతాపం తెలిపారు.
AlosRead ;- కరోనాకి వ్యాక్సిన్ రాదంటున్న నందమూరి బాలకృష్ణ?
