టాలీవుడ్ లో ఎన్నో చిత్రాల్లో బాలనటుడిగా మెప్పించిన తేజా సజ్జా.. జాంబిరెడ్డితో హీరోగా ప్రమోషన్ అందుకున్నాడు. అలాగే సినిమా హిట్ తో మంచి అవకాశాలే అందుకుంటున్నాడు. ఈ నేపథ్యంలో తేజ నటించిన తాజా చిత్రం ‘ఇష్క్’. మలయాళ బ్యూటీ ప్రియా వారియర్ కథనాయికగా నటిస్తోన్న ఈ సినిమాకి యస్.యస్.రాజు దర్శకుడు.
మెగా సూపర్ గుడ్ ఫిల్మ్స్ బ్యానర్ పై ఆర్బీ చౌదరి నిర్మిప్తోన్న ఈ సినిమా మలయాళంలో సూపర్ హిట్టైన ‘ఇష్క్’ మూవీకి రీమేక్ వెర్షన్. సినిమాను ఈ నెల23న విడుదల చేస్తున్న నేపథ్యంలో ‘ఇష్క్’ మూవీ ప్రచారాన్ని ముమ్మరం చేశారు మేకర్స్. అందులో భాగంగా సినిమా ట్రైలర్ ను విడుదల చేశారు. ప్రస్తుతం సోషల్ మీడియాలో ఈ ట్రైలర్ వైరల్ గా మారింది.
ఒక అబ్బాయి, అమ్మాయిల జీవితంలో .. అనూహ్యమైన సంఘటన చోటుచేసుకుంటుంది. దాని వల్ల .. ఇద్దరూ మానసికంగా ఎంతో స్ట్రగుల్ ఫేస్ చేస్తారు. చివరికి వారు ఆ సమస్య నుంచి ఎలా గట్టెక్కుతారు అన్నదే ఇష్క్ మూవీ కథాంశం. ఒరిజినల్ వెర్షన్ లో షేన్ నిగమ్, ఆన్ శీతల్ జంటగా నటించారు. ఇక ఒరిజినల్ వెర్షన్ ను ఏ మాత్రం మార్చకుండా.. రీమేక్ వెర్షన్ ను రూపొందిస్తున్నారని అర్ధమవుతోంది. మరి ఈ సినిమా తేజా సజ్జాకి ఏ రేంజ్ హిట్టిస్తుందో చూడాలి.
