తెలంగాణ సీఎం కేసీఆర్ కరోనా పడిన కోలుకుంటున్న విషయం మరువకముందే, ఆయన కుమారుడు, తెలంగాణ ఐటీ మినిస్టర్ కేటీఆర్ కూడా కరోనా పాజిటివ్ అని తేలడం కలకలం రేపుతోంది. ఈ విషయాన్ని స్వయంగా ఆయన ట్విటర్ ద్వారా వెల్లడించారు. స్వల్ప కరోనా లక్షణాలతో బాధపడుతున్నట్టు, ప్రస్తుతం తాను హోం ఐసోలేషన్‌లో ఉన్నానని కేటీఆర్ వెల్లడించారు. ఇటీవలి కాలంలో నన్ను కలిసిన వారంతా కోవిడ్ టెస్టు చేయించుకోవాలని తెలిపారు.
ఎంపీ సంతోష్ కూడా
కేసీఆర్ కరోనా బారిన పడి వ్యవసాయ క్షేత్రంలో ఐసోలేషన్ లో ఉన్న సంగతి విషయం తెలిసిందే. అయితే కేసీఆర్ ను ఆయన కుమారుడు కేటీఆర్ కలిసినట్లు సమాచారం. కరోనా నిబంధనలను పాటిస్తూ కేటీఆర్ తండ్రిని పలకరించినట్లు తెలిసింది. వ్యవసాయ క్షేత్రం నుంచి కేటీఆర్ నేరుగా హైదరాబాద్ కు వచ్చారు. ఆ తర్వాత కేసీఆర్‌ను పరీక్షల నిమిత్తం తరలించిన సమయంలో, తండ్రి వెంటే ఉన్నారు. ఎంపీ సంతోష్ కూడా ఉన్నారు. ఈ క్రమంలోనే గురువారం సంతోష్‌కు కరోనా పాజిటివ్‌‌గా నిర్ధారణ కాగా.. నేడు కేటీఆర్ సైతం కరోనా బారిన పడ్డారు.
Must Read ;- ‘తెలంగాణ గాంధీ’.. గాంధీలో చేరుతారా? : కేసీఆర్ కు నెటిజన్ల ప్రశ్న
I’ve tested COVID positive with mild symptoms. Currently isolated at home
Those of you who have met me last few days, kindly follow the covid protocol, get tested & take care
— KTR (@KTRBRS) April 23, 2021
