ఇలాగైతే వైట్ కాలర్ దోపిడీలు పెరుగుతాయి

బ్యాంకింగ్ రంగంలోకి కార్పొరేట్ సంస్థలకు అనుమతించాలన్న రిజర్వ్ బ్యాంక్ ప్రతిపాదనను ఈ ఇద్దరు తీవ్రంగా వ్యతిరేకించారు. అంతేకాదు, ఇది ఒక పనికిమాలిన నిర్ణయంగా అభివర్ణించారు. ఇలాంటి నిర్ణయం వల్ల బ్యాంకులు దివాలా తీసే అవకాశం ఉందని నిర్మొహమాటంగా రిజర్వ్ బ్యాంక్ ప్రతిపాదనను తప్పుబట్టారు.

ఎవరి కోసం ఈ ప్రతిపాదన

ఈ ప్రతిపాదన వల్ల బ్యాంకుల ఉనికే ప్రమాదంలో పడే అవకాశాలు ఉన్నాయని చెప్పారు. ఈ చర్య వల్ల కార్పొరేట్ సంస్థలు మరింత బలపడడానికి తప్ప ఎవరికీ ఉపయోగం ఉండదంటూ చెప్పుకొచ్చారు. బ్యాంకుల సవరణ చట్టంలో మార్పులు, అవసరమైన ప్రతిపాదనలు చేసిన తర్వాతే కార్పొరేట్ సంస్థలను అనుమతినివ్వాలని చెప్పినా అది పూర్తి అమోదయోగ్యం కాదని, అలాగే ఆచరణలో అవకాశాలు తక్కువని, దాని వల్ల బ్యాంకుల రక్షణకు ప్రమాదం ఏర్పడుతుందని దుయ్యబట్టారు.

రుణదాతలు యజమానులైతే

రుణాల కోసం బ్యాంకుల చుట్టూ తిరిగే బడా కంపెనీలను యజమానులుగా మారిస్తే వారి కార్పొరేట్ సంస్థలు మరింత బలపేతమవడానికి దోహదపడతాయే తప్ప సామాన్యుడి పరిస్థితి దిగజారుతుంది. వారి చేతిలో ఉన్నందు వల్ల వారికి కావాల్సిన వారికి, వారి సొంత సంస్థలకు రుణాల అనుమతులు యదేచ్ఛగా ఇస్తారు. అలా జరిగినా, సకాలంలో చెల్లిస్తే బ్యాంకులకు సమస్య ఉండదు. ఒకవేళ చెల్లింపులో మార్పులు జరిగినా, ఆలస్యం అయినా, బ్యాంక్ మనుగడే ప్రమాదంలో పడుతుంది.

సామాన్యుడి పరిస్థితేంటి?

ఈ పరిస్థితులు ఇలాగే కొనసాగితే, అవసరమైన సమయాల్లో సామాన్యులకు రుణాలు అందించడానికి కూడా బ్యాంకులు ఇబ్బందిపడే దుస్థితి వస్తుంది. బ్యాంకింగ్ రంగంలో మొండి బకాయిల వల్ల ఇప్పటికే ఎన్నో సమస్యలు ఎదుర్కొంటున్న సంగతి తెలియంది కాదు. మరి అటువంటి సమస్యలను ఎదుర్కోంటుంది ఇలాంటి కార్పొరేట్ సంస్థల వల్లనే అనే విషయాన్ని బ్యాంకింగ్ రంగం మరచి పోకూడదు. లైసెన్స్ ల జారీలో పారదర్శకత పాటించినా, భారీ సంస్థలు రాజకీయ ప్రలోభాలకు పాల్పడే అవకాశాలు ఉన్నాయి. వాటి వల్ల ప్రభుత్వ మద్ధతు ఉన్నవారికే

అనుమతి ఉంటుంది.

వ్యతిరేకతను ఎందుకు పట్టించుకోవడం లేదు?
రిజర్వ్ బ్యాంక్ అంతర్గత కమిటీకి చెందిన నిపుణుల కమీటి సంప్రదింపుల్లో ఈ ప్రతిపాదింపుకు ఒక్కరు మినహా మిగిలిన అందరూ వ్యతిరేకించారని పేర్కోంటూనే, కార్పొరెట్ సంస్థలను అనుమతించాలని ప్రతిపాదించడం గమనార్హం. దీనితో పాటు పేమెంట్ బ్యాంక్, యునివర్శల్ బ్యాంక్ గా మారే సమయాన్ని 5 ఏళ్ల నుండి 3 ఏళ్లకు తగ్గించడం కూడా ఆశ్చర్యం కలిగించే విషయమని అభిప్రాయపడ్డారు.

Must Read ;- మారటోరియం కేసును మరోమారు వాయిదా వేసిన సుప్రీంకోర్టు!