పిట్ట కొంచెం కూత ఘనం అనే మాటను వినే ఉంటారు. లిటిల్ స్టార్ గా పేరు తెచ్చుకున్న సూపర్ స్టార్ తనయ సితారకు ఈ మాట అక్షరాలా వర్తిస్తుంది. సోషల్ మీడియాలో సితార అంటే తెలియని వారు ఉండరు. సూపర్ స్టార్ మహేష్ బాబు గారాల పట్టి సితార ఘట్టమనేని ఇంత చలాకీగా తయారవుతుందని ఎవరూ ఊహించి ఉండరు. సాధారణంగా పెద్ద స్టార్ వారసుడి మీదనే అందరి దృష్టీ ఉంటుంది.
ఎందుకంటే భవిష్యత్తులో అతను కూడా పెద్ద హీరో అయిపోతాడు కాబట్టి. కానీ మహేష్ బాబు విషయంలో ఆయన కుమారుడు గౌతమ్ కన్నా సితారకే ఎక్కువ క్రేజ్. ఈ బుట్టబొమ్మ అటు డ్యాన్స్ లు, ఇటు పాటలు, గలగలా మాటల్లోనూ దిట్టే. ఆమె సోషల్ మీడియా పేజ్ ఇన్ స్టాగ్రామ్ లో ఈ చిన్నారికి దాదాపు మూడు లక్షల మంది ఫాలోవర్లు ఉన్నారు. మహేష్ బాబు ట్విట్టర్ పేజీలో 11 మిలియన్లకు పైగా ఫాలోవర్లు ఉన్నారు.
అలాగే ఆయన ఇన్ స్టాగ్రామ్ పేజీలో 6.4 మిలియన్ల మంది ఫాలోవర్లు ఉన్నారు. వీటిలో సితార ఫొటో ఏదైనా ఒకటి పడిందంటే చాలు తెగ వైరల్ అయిపోతుంటుంది. సోషల్ మీడియాలో ఈ చిన్నారి ఇంత యాక్టివ్ గా ఉండటానికి ఇది కూడా ఒక కారణమే. ఇప్పటికే సితారకు సంబంధించి ఎన్నో ఫొటోలు ఇలా వైరల్ అవుతున్నాయి. అందుకే సోషల్ మీడియాలో బుట్టబొమ్మగా ఎవరికైనా పట్టం కట్టాలంటే అందరూ సితారకే ఓటేస్తారు.
Must Read ;- సరికొత్త రికార్డ్ క్రియేట్ చేసిన మహేష్ అభిమానులు
