ఐకాన్ స్టార్ అల్లు అర్జున్, బ్రిలియంట్ డైరక్టర్ సుకుమార్ కలయికలో రూపొందుతోన్న యాక్షన్ థ్రిల్లర్ పుష్ప. మైత్రీ మూవీస్ బ్యానర్ పై భారీ ఎత్తున నిర్మాణం జరుపుకుంటోన్న ఈ సినిమా పాన్ ఇండియా కేటగిరిలో బహుభాషల్లో విడుదల కాబోతోంది. ఆగస్ట్ 13న విడుదల తేదీ లాక్ అవడంతో .. సినిమా చిత్రీకరణను వేగవంతం చేశాడు సుక్కు.
ఎర్రచందనం స్మగ్లింగ్ నేపథ్యంలో రూపొందే ఈ సినిమాలో బన్నీ.. డీగ్లామరైజ్డ్ రోల్ చేస్తున్న సంగతి తెలిసిందే. పుష్పరాజ్ అనే లారీ డ్రైవర్ గా అతడి నట విశ్వరూపాన్ని టీజర్ లో చూశారు అభిమానులు. సుక్కు బ్రిలియన్సీ అంతా టీజర్ లో కనిపించింది. దీంతో ఈ సినిమాపై అంచనాలు రెట్టింపయ్యాయి.
ఇక పుష్ప లో అనసూయ ఒక కీలకమైన పాత్రను పోషిస్తోంది. నిజానికి ఇందులో ఆమె నటిస్తోందంటూ.. కొద్దిరోజులుగా వార్తలొస్తున్నాయి. అయితే రీసెంట్ గా ఇందులో తాను నటిస్తున్నానంటూ.. అనసూయ డిక్లేర్ చేస్తూ.. తన ఇన్ స్టా ఖాతాలో ఒక ఫోటో షేర్ చేసింది. పుష్ప క్లాప్ బోర్డ్ తో కూడిన ఈ ఫోటో అందరి సందేహాలకు ఫుల్ స్టాప్ పెట్టింది.
ముందన్నీ మంచిరోజులే. ఈ సినిమాలో నటిస్తున్నందుకు సంతోషంగా ఉందంటూ అనసూయ తెలిపింది. రామ్ చరణ్ ‘రంగస్థలం’లో రంగమ్మత్తగా అదరగొట్టిన అనసూయ.. పుష్పలో ఎలాంటి పాత్ర పోషిస్తోందో తెలియాలంటే.. ఆగస్ట్ 13 వరకూ ఆగాల్సిందే.
Must Read : శ్రీముఖిని నగ్నఫోటోలు అడిగిన నెటిజెన్
