పోషకాల పుచ్చకాయ : డాక్టర్లు ఏం అంటున్నారో తెలుసా!

సమ్మర్ స్టార్ట్ అయ్యింది. ఎండ తీవ్రత నుంచి రిలాక్స్ అయ్యేందుకు చాలామంది రకారకాల జూస్ లు తాగుతుంటారు. బయట దొరికే జ్యూస్ తాగడం కన్నా పుచ్చకాయ తినడం బేటర్ అని అంటున్నారు డాక్టర్లు. ఇది శరీరంలో వేడిని తగ్గించి, చలువ చేస్తుంది. ఎండాకాలంలో తినడం ఎంతో మేలు. వేసవి తాపాన్ని, దాహాన్ని తీర్చేందుకు బెస్ట్ ప్రూట్ ఇది. మండే ఎండలకు వాటర్ లెవెల్స్ తగ్గిపోతూ ఉంటాయి. డీహైడ్రేషన్ స్టేజ్‌కి వెళ్లిపోతూ ఉంటాం. ఇలాంటప్పుడు వడ దెబ్బ తగిలి, కళ్లు తిరిగి కిందపడిపోతుంటారు చాలా మంది. అందుకే బాడీలో వాటర్ లెవెల్స్, షుగర్ లెవెల్స్ తగ్గిపోకుండా ఉండేందుకు పుచ్చకాయ ముక్కలు తినడం బెస్ట్ ఆప్షన్.

పోషకాలు పుష్కలం

పుచ్చకాయలో ఉండే విటమిన్లు, పోషకాలు, వ్యాధి నిరోధక శక్తిని పెంచే యాంటి ఆక్సిడెంట్లు, బీవిటమిన్, కాల్షియం, సోడియం, మెగ్నీషియం, పొటాషియం, క్లోరిన్, జిటాకేరోటిన్లు, ఆల్కలైన్, విటమిన్ ఏ, విటమిన్ బి6, విటమిన్ సి, సుక్రోజ్ , ఫ్రక్టోజ్, గ్లూకోజ్, ఎలక్ట్రో లైట్లు శరీరానికి కావాల్సిన పోషకాల్ని అందిస్తాయని డాక్టర్లు సూచిస్తున్నారు.

Must Read ;- కరోనా వస్తే ఏం తినాలి&?

బోలెడు ఆరోగ్య ప్రయోజనాలు

– పుచ్చకాయలు రక్తపోటు, గుండె పోటు తగ్గిస్తాయి. మహిళలకు ఎంతో మేలు చేస్తాయి.
– కాన్సర్ వ్యాధిని తగ్గించే లక్షణాలు కూడా పుచ్చకాయలో ఉన్నట్లు పరిశోధనల్లో తేలింది.
– ప్రెగ్నెన్సీ ఉన్న మహిళలు పుచ్చకాయ ముక్కలు తింటే, పుట్టే బిడ్డ ఆరోగ్యంగా ఉంటుంది.
– కిడ్నీ వ్యాధులతో బాధపడేవారు, తేనెతో కలిపి పుచ్చకాయ ముక్కలు తింటే మంచిదట.
– కిడ్నీలో రాళ్లు ఉన్నవారు, మలబద్ధకంతో బాధపడేవారికి పుచ్చకాయ ఎంతో మంచిది.
– కాల్షియం అధికంగా ఉన్న పుచ్చకాయ తింటే కీళ్లనొప్పులు, వాతం లాంటి రోగాలు నయమవుతాయి.

ముక్కలు ముక్కలుగా…

మొత్తం కాయను కొనలేకపోయినప్పుడు, ముక్కలుగా అమ్ముతున్నవాటిని కొనుక్కొని తింటే, తాత్కాలికంగా ఎండ తీవ్రత నుంచి తప్పించుకోవచ్చు. అయితే పుచ్చకాయ ముక్కలను ఐస్‌పై పెట్టి అమ్ముతుంటారు. ఆ ఐస్‌ కోసం వాడిన నీరు మంచిదో, కాదో తెలియదు. సో కూలింగ్ లేని ముక్కులను మాత్రమే తినాలని సూచిస్తున్నారు డాక్టర్లు.

కొనే ముందు జాగ్రత్త
మార్కెట్లో దొరికే పుచ్చకాయలను కొనే ముందు జాగ్రత్తగా చూసి తీసుకోవాలని ఆరోగ్య నిపుణులు సూచిస్తున్నారు. ఎందుకంటే పుచ్చకాయని కోసి చూపిస్తే తప్ప, అది లోపల ఎర్రగా ఉందో లేదో తెలియదు. అలాని కోసి చూపిస్తే, ఒక దాన్ని మూడు నాలుగు గంటల్లోనే తినేయాలి. ఆలస్యం చేస్తే అది పాడై కుళ్లిపోయే అవకాశం ఉంటుంది కూడా. అందుకే కనీసం రెండు కిలోలు, అంతకంటే ఎక్కువ బరువు ఉండే పుచ్చకాయను ఎంచుకోవాలి. అయితే పుచ్చకాయ ఏ రంగులో ఉన్నా పర్వాలేదు. పుచ్చకాయ గట్టిగా, బరువుగా ఉండాలి. మెత్తగా ఉంటే అది లోపల పాడైనట్లు గుర్తించాలి. మచ్చలు ఎంత ఎక్కువా ఉంటే ఆ పుచ్చకాయ లోపల అంత ఎర్రగా ఉంటుందని తెలుసుకోవాలి.

Also Read ;- బీట్ ది హీట్ : సమ్మర్ కేర్ ఇలా..