బాలీవుడ్ బాక్సాఫీస్ వద్ద రికార్డు వసూళ్ళు కురిపించే హీరోల్లో ముందు వరుసలో ఉండేది మిస్టర్ పెర్ఫెక్ట్ ఆమిర్ ఖాన్. ప్రస్తుతం ఆస్కార్ మూవీ ఫారెస్ట్ గంఫ్ రీమేక్ గా బాలీవుడ్ లో రూపొందుతోన్న ‘లాల్ సింగ్ చద్దా’ లో నటిస్తున్నారు. ఇందులో అక్కినేని నాగచైతన్య ఓ ప్రత్యేక పాత్ర పోషిస్తున్న సంగతి తెలిసిందే. ఇక అసలు మేటర్లోకి వెళితే .. ఈ సినిమా షూటింగ్ లో ఉండగానే.. ఆమీర్ ఖాన్ కు కరోనా పాజిటివ్ అని నిర్దారణ అయినట్టు తెలుస్తోంది.
ప్రస్తుతం ఆమిర్ ఖాన్ హోం క్వారంటైన్ కి వెళ్ళారట. దాంతో ఆమిర్ తన స్టాఫ్ ను కరోనా టెస్ట్ చేయించుకొని, ఇంటి వద్ద విశ్రాంతి తీసుకోవల్సిందిగా సూచించారట. ప్రస్తుతం ముంబైలో.. మిగతా స్టేట్స్ తో పోలిస్తే.. కరోనా ప్రభావం చాలా ఎక్కువగా ఉంది. దాంతో మహారాష్ట్ర ప్రభుత్వం అప్రమత్తమై.. తగిన చర్యలు చేపట్టింది. మరి ఆమిర్ కరోనా నుంచి ఎప్పుడు కోలుకుంటాడో.. సినిమా షూటింగ్ లో ఎప్పుడు పాల్గొంటాడో వెయిట్ చేద్దాం.
Must Read ;- మనోజ్ బాజ్ పాయ్ కి కరోనా పాజిటివ్
