ఆచార్య నుంచి అదిరిపోయే అప్ డేట్స్

Koratala Siva Reveals Interesting Updates Of Acharya

మెగాస్టార్ చిరంజీవి హీరోగా బ్లాక్ బ‌స్ట‌ర్ డైరెక్ట‌ర్ కొర‌టాల శివ ద‌ర్శ‌క‌త్వంలో రూపొందిన భారీ చిత్రం ఆచార్య‌. ఇందులో మెగా ప‌వ‌ర్ స్టార్ రామ్ చరణ్ కీల‌క పాత్ర పోషించ‌డం విశేషం. ఈ భారీ చిత్రాన్ని ఫిబ్రవరి 4న విడుదల చేయనున్నారు. ఇందులో ఆచార్యగా చిరు.. సిద్ధగా చరణ్ కనిపించనున్నారు. ఇప్పటికే విడుదలైన టీజర్ అండ్ సాంగ్స్ కు మంచి రెస్పాన్స్ వ‌చ్చింది. ప్రస్తుతం సిద్ధ టీజర్ యూట్యూబ్ లో రికార్డు వ్యూస్ తో ట్రెండింగ్ లో కొనసాగుతోంది.

చిరంజీవి, రామ్ చరణ్ లను ఒకే ఫ్రేమ్ లో చూసిన మెగా ఫ్యాన్స్ దర్శకుడు కొరటాల శివను ఆకాశానికి ఎత్తేస్తున్నారు. ఈ సినిమా ప్ర‌మోష‌న్స్ లో భాగంగా ఓ ఇంటర్వ్యూలో కొరటాల శివ‌ మాట్లాడుతూ.. ఆచార్య సినిమా ధర్మం గురించి చెబుతుంది. ధర్మస్థలి చుట్టూ తిరిగే కథ ఇది. రామ్ చరణ్ పోషించిన‌ సిద్ధ పాత్ర ధర్మానికి ప్రతిరూపం. సీన్స్ ఆర్గానిక్ గా రావడానికి టీమ్ మొత్తం చేసిన కృషే కారణం అని చెప్పారు. చిరంజీవి, రామ్ చరణ్ వాళ్ళిద్దరినీ ఒకే ఫ్రేమ్ లో చూపించడానికి కాస్త టెన్షన్ పడ్డానని కొరటాల తెలిపారు.

Koratala Siva Reveals Interesting Updates Of Acharya

ఇక అస‌లు విష‌యానికి వ‌స్తే.. రాబోయే రోజుల్లో ఈ సినిమాకి సంబంధించి రెండు అప్ డేట్స్ ఇవ్వ‌నున్నాం. ఒకటి చిరంజీవి, చరణ్ కలిసి చేసిన పాట అయితే.. రెండోది ఆచార్య‌ థియేట్రికల్ ట్రైలర్ అని చెప్పారు. శేఖర్ మాస్టర్ ఆధ్వర్యంలో చిరంజీవి – చరణ్ కలసి డ్యాన్స్ చేసిన పాట విజువల్ ట్రీట్ లా ఉంటుందన్నారు. న్యూయ‌ర్ కి చిరు, చ‌ర‌ణ్ సాంగ్, సంక్రాంతికి ట్రైల‌ర్ రిలీజ్ చేయ‌నున్నారు. చ‌ర‌ణ్ టీజ‌రే ఓ రేంజ్ లో ఉంటే.. ఇక ట్రైల‌ర్ ఏ రేంజ్ లో ఉండ‌బోతుందో చూడాలి.