చిరు చెల్లెలుగా ర‌మ్య‌.. అస‌లు నిజం ఇదే

మెగాస్టార్ చిరంజీవి ఆచార్య రిలీజ్ కాకుండానే గాడ్ ఫాద‌ర్ మూవీని సెట్స్ పైకి తీసుకువ‌చ్చారు. చిరంజీవి హీరోగా రూపొందుతోన్న గాడ్ ఫాద‌ర్ మూవీకి మోహ‌న్ రాజా ద‌ర్శ‌కుడు. ఇది మ‌ల‌యాళంలో విజ‌యం సాధించిన లూసీఫ‌ర్ మూవీకి రీమేక్. ఈ సినిమా షూటింగ్ స్టార్ట్ అవ్వ‌డం.. హైద‌రాబాద్, ఊటీలో షూటింగ్ జ‌రుపుకోవ‌డం జ‌రిగింది. చిరు పై కీల‌క స‌న్నివేశాల‌ను చిత్రీక‌రించారు.

ఇదిలా ఉంటే.. ఈ సినిమాలో చిరు చెల్లెలుగా ర‌మ్య‌కృష్ణ న‌టించ‌నున్న‌ట్టుగా వార్త‌లు వ‌స్తున్నాయి. చిరంజీవి, రమ్యకృష్ణ క‌లిసి అల్లుడా మజాకా, ముగ్గురు మొనగాళ్లు, ఇద్దరు మిత్రులు తదితర చిత్రాల కోసం ఇద్దరూ జోడీ కట్టారు. అలాంటిది గాడ్ ఫాద‌ర్ మూవీలో అన్నా చెల్లెలుగా న‌టిస్తున్నారా..? ఈ వార్త నిజ‌మేనా..? అని ఆలోచ‌న‌లోప‌డ్డారు సినీ జ‌నాలు. ఈ వార్త పై ఆరా తీస్తే తెలిసింది ఏంటంటే… ఇందులో ఏమాత్రం వాస్త‌వం లేద‌ని చిత్ర‌యూనిట్ చెబుతుంది.

అయితే.. చిరు చెల్లెలు పాత్ర‌ను న‌య‌న‌తార చేస్తుంద‌ట‌. ఆమె ఎప్పుడో ఈ సినిమాకి ఓకే చెప్ప‌డం జ‌రిగింది. న‌య‌న్ కి భ‌ర్త‌గా స‌త్య‌దేవ్ న‌టించ‌నున్నారు. త్వ‌ర‌లోనే వీరిద్ద‌రి పై కీల‌క స‌న్నివేశాల‌ను చిత్రీక‌రించ‌నున్నార‌ని స‌మాచారం. సో.. గాడ్ ఫాద‌ర్ మూవీలో చిరు చెల్లెలు పాత్ర‌లో ర‌మ్య‌కృష్ణ న‌టిస్తుంద‌నేది అవాస్త‌వం. అదీ.. సంగ‌తి.

Must Read ;- చిరు, స‌ల్మాన్ క‌లిసి డ్యాన్స్ చేస్తే..?