మాలీవుడ్ మెగాస్టార్ మమ్ముట్టి నటిస్తోన్న తాజా చిత్రం ‘వన్’ . సంతోష్ విశ్వనాథ్ దర్శకత్వంలో తెరకెక్కుతోన్న ఈ సినిమా ఒక పొలిటికల్ థ్రిల్లర్. ప్రజల్ని పరిపాలించేవాడు ముఖ్యమంత్రి కాదు.. ప్రజల్ని సేవించేవాడే ముఖ్యమంత్రి అనుకొనే జననాయకునిగా ఇందులో మమ్ముట్టి తన నట విశ్వరూపం చూపించబోతున్నాడు. కడక్కల్ చంద్రన్ అనే ముఖ్యమంత్రి పాత్రలో ఆయన నటిస్తున్న ఈ సినిమా అతి త్వరలో ప్రేక్షకుల ముందుకు రాబోతోంది. ఈ క్రమంలో వన్ సినిమా ట్రైలర్ ను విడుదల చేశారు మేకర్స్ . కొద్ది సేపటి క్రితం విడుదలైన ట్రైలర్ సోషల్ మీడియాలో వైరల్ గా మారింది.
ప్రజాసేవే ధ్యేయంగా రాజకీయాల్లోకి అడుగుపెట్టిన కడక్కల్ చంద్రన్ అనే సాధారణ వ్యక్తి ముఖ్యమంత్రిగా ఎదిగే క్రమంలో ఎదురైన రాజకీయ సవాళ్ళు, ప్రతిపక్ష పార్టీల కుట్రలు ఛేదించి తను అనుకున్న లక్ష్యాన్ని అతడు ఎలా సాధిస్తాడో వన్ సినిమా ఆవిష్కరించబోతోంది. మురళీ గోపి, జగదీష్, అలెన్సియర్ లే లోపేజ్, సుధీర్ కరమణ ఇతర ముఖ్యపాత్రలు పోషించిన ఈ సినిమా మమ్ముట్టి కి ఏ రేంజ్ ఇమేజ్ తెచ్చిపెడుతుందో చూడాలి.
Must Read ;-, మలయాళ మెగాస్టార్ మమ్ముట్టి కార్ల కలెక్షన్ చూశారా?
