సల్మాన్ ఖాన్ ‘రాధే’ ఒకేసారి మల్టీ ఫ్లాట్ ఫామ్స్ లో విడుదల చేసే ప్రయత్నాలు జరుగుతున్నాయి. జీ స్టూడియోస్, సల్మాన్ ఖాన్ ఫిలింస్ సంయుక్తంగా ఈ చిత్రాన్ని నిర్మిస్తున్నాయి. మే 13న ఈ సినిమాని విడుదల చేయాలన్న నిర్ణయం జరిగింది. మరి ఈ కరోనా పరిస్థితుల్లో ఈ సినిమా అనుకున్న సమయానికి విడుదలవుతుందా లేదా అన్నది చెప్పలేం. ఓటీటీ సంస్థ జీప్లెక్స్ లో విడుదల చేయడంతోపాటు దేశవ్యాప్తంగా థియేటర్లలోనూ ఒకేసారి విడుదల చేయటానికి ప్రయత్నాలు చేస్తున్నారు. పే పర్ వ్యూ ప్రాతిపదికన ఈ సినిమా విడుదలవుతుంది.
ఈ ‘రాధే’ ట్రైలర్ రేపు విడుదల కాబోతోంది. లాక్ డౌన్ కారణంగా ఈ సినిమా విడుదల వాయిదా పడుతూ వచ్చింది. ఎట్టకేలకు దీనికి మోక్షం లభించినట్టుంది. జీ5, డిష్ టీవీ, డీ టు హెచ్, టాటా స్కై, ఎయిర్ టెల్ డిజిటల్ తదితర ఫ్లాట్ ఫామ్ లలో కూడా ఇది విడుదల కానుంది. ఒక విధంగా ఇది ఈద్ కానుక అనుకోవాలి. అసలు ఈ సినిమా గత ఏడాదే విడుదల కావల్సి ఉంది. లాక్ డౌన్ కారణంగా విడుదల వాయిదా పడుతూ వచ్చింది. ఎట్టకేలకు విడుదల తేదీని నిర్మాతలు ప్రకటించారు.
నృత్య దర్శకుడు ప్రభుదేవా ఈ సినిమాకి దర్శకత్వం వహించారు. ఇందులో ప్రవేష్ రానా, రణదీప్ హుడా, దిశా పటానీ, జాకీ ష్రాఫ్ నటించారు. రాధే పాత్రను సల్మాన్ పోషించారు. ఇది కొరియా చిత్రం ప్రేరణతో రూపొందింది. ‘ది అవుట్ లాస్’ అనే సినిమా ఆధారంగా కథను అల్లారు. ఓ వృద్ధ గ్యాంగ్ స్టర్ కథ ఇది. తన కుమార్తె కిడ్నాప్ జరిగితే ఆ గ్యాంగ్ స్టర్ ఎలా స్పందిస్తాడు అన్నదే ప్రధాన ఇతివృత్తం.
ఇంతకుముందు సల్మాన్ ఖాన్ నటించిన ‘వాంటెడ్’ చిత్రానికి ప్రభుదేవా దర్శకత్వం వహించారు. ఇందులో సల్మాన్ తోపాటు ఆయేటా టకియా, వినోద్ ఖన్నా నటించారు. ఆ తర్వాత ‘దబాంగ్ 3’ చిత్రానికి కూడా ప్రభుదేవా దర్శకత్వం వహించారు. సల్మాన్ త్వరలో ల్యాండ్ మాఫియా కథాంశంతో తెరకెక్కుతున్న ‘యాంటీమ్: ది ఫైనల్ ట్రూత్ైలో కూడా నటిస్తున్నారు. దీనికి మహేష్ మంజ్రేకర్ దర్శకుడు.
Must Read ;- టైగర్ సిరీస్ లతో దూకుడు మీదున్న సల్మాన్, కత్రినా
