సూపర్ స్టార్ కృష్ణ పుట్టిన రోజును పురస్కరించుకుని ఊర్వశి ఓటీటీ సంస్థ ఓ ప్రత్యేక పాటను విడుదల చేసింది. ‘తెలుగు వీర లేవరా… దీక్షబూని సాగరా’ అనే పల్లవితో ఈ పాట సాగుతుంది. ఈ ఉత్తేజభరిత గీతాన్ని ప్రముఖ దర్శకులు వీరు.కె స్వర సారధ్యం, రచనలో ప్రముఖ సంగీత దర్శకుడు ఆర్.పి. పట్నాయక్ ఆలపించారు. యువ గాయని మౌనిక ఆయనతో గొంతు కలిపారు. తనపై ప్రత్యేక పాటను విడుదల చేసిన ‘ఊర్వశి ఓటీటి’ మరింతగా వృద్ధి చెందాలని సూపర్ స్టార్ కృష్ణ ఆకాంక్షించారు.
ఓటీటీ సంస్థ ఊర్వశి సౌజన్యంతోనే ఈ ప్రత్యేక గీతం రూపుదిద్దుకుంది. సూపర్ స్టార్ కృష్ణ జన్మదినాన్ని పురస్కరించుకుని దీన్ని రూపొందించారు. ఆయన్ని స్వయంగా కలిసి శుభాకాంక్షలు తెలిపిన ఊర్వశి సీఈఓ తుమ్మలపల్లి రామసత్యనారాయణ మాట్లాడుతూ తెలుగు సినిమా ఖ్యాతిని ఖండాంతరాలకు వ్యాప్తి చేసిన డేరింగ్ అండ్ డాషింగ్ హీరో కృష్ణగారికి పుట్టినరోజు కానుకగా ఓ ప్రత్యేక పాటను రూపొందించినట్లు తెలిపారు. ఈ అవకాశం ఇచ్చిన నటుడు, ‘మా’ అధ్యక్షుడు వి.కె. నరేష్ కు కృతజ్ఞతలు తెలిపారు.
Must Read ;- సాహసాల జేమ్స్ బాండ్
