మెగా బ్రాండ్ అంబాసిడర్ రంగంలోకి దిగిపోయాడండోయ్. ఎవరీ బ్రాండ్ అంబాసిడర్ అనుకుంటున్నారా.. ఇంకెవరు ఆస్ట్రేలియా క్రికెటర్ డేవిడ్ వార్నర్. అసలు క్రెకెటర్ స్టారే ఏంటి? ఇలా తెలుగు సినిమా పాటలకు డ్యాన్సులు చేయడం, డైలాగులు చెప్పడం ఏంటో ఎవరికీ అర్థం కావడం లేదు. పైగా ఎక్కడో ఆస్ట్రేలియా క్రికెటర్ కు తెలుగు మీద ఇంత మమకారం ఎందుకు అనే మాట కూడా వినిపిస్తోంది.
ఆ మధ్య అల్లు అర్జున్ చిత్రం అల వైకుంఠపురములోని బుట్టబొమ్మ పాటకు డేవిడ్ వార్నర్ చేసిన డ్యాన్స్ ఎంత వైరల్ అయిందో అందరికీ తెలిసిందే. ఇప్పుడు వార్నర్ ఏకంగా మెగాస్టార్ ‘ఆచార్య’ మీదనే దృష్టిపెట్టేశాడు. ఇలా చేయడం వల్ల వార్నర్ కు ఏం లాభమో తెలియదుగానీ ఆయా హీరోలకూ, వారి చిత్రాలకూ మాత్రం ఫ్రీ పబ్లిసిటీ లభించేస్తోంది.
వార్నర్ కు ఎందుకీ సినిమా ప్రేమ?
వార్నర్ కు సినిమాల మీద ఎందుకింత ప్రేమ అంటే సమాధానం చెప్పలేం. ఆయన ఒక్కడే కాదు సకుటుంబ సపరివార సమేతంగా సినిమాలకు ఇలా స్పందించేస్తుంటారు. హాలీవుడ్ లో పాటలు ఉండవని కాబోలు బాలీవుడ్ నుంచి టాలీవుడ్ దాకా స్టార్ హీరోలను ఆయన టార్గెట్ చేసుకున్నారు. తాజాగా మెగాస్టార్ ‘ఆచార్య’ పాత్రలో రచ్చ రంభోలా చేశారు. ఇటీవల ఈ సినిమా టీజర్ విడులైన సంగతి తెలిసిందే. రీ ఫేస్ యాప్ తో ఇప్పుడు ఇలాంటి ప్రయోగాలు చేయడం మొదలుపెట్టారు.
గతంలో టిక్ టాక్ ఆయనకు బాగా ఉపయోగపడేది. అది పోయాక ప్రత్యామ్నాయ మార్గాలు చూసుకున్నారు. ముఖ్యంగా కరోనా లాక్ డౌన్ సమయం ఆయన ఇలాంటి ప్రయోగాలకు చేయడానికి బాగా ఉపయోగపడింది. రీ ఫేస్ యాప్ తో చిరు ముఖం స్థానంలో తన ముఖాన్ని పెట్టేసి ఆ సినిమా డైలాగులతో రచ్చరచ్చ చేసేశారు. ఆ వీడియో ఇప్పుడు సోషల్ మీడియాలో తెగ వైరల్ అవుతోంది. తెలుగు హీరోలు మాత్రం మనకు ఓ వార్నర్ బ్రదర్ దొరికాడని సంబరపడిపోతున్నారు.
Must Read ;- యన్ఠీఆర్, అమితాబ్ లా మారిపోయిన డేవిడ్ వార్నర్
View this post on Instagram
