Sai Dharam Tej Love And Marriage With Brazil Girl
మెగా మేనల్లుడు సాయిధరమ్ తేజ్ ఓ ఇంటి వాడు కాబోతున్నాడా? రోడ్డు ప్రమాదంలో గాయపడి అపోలో ఆస్పత్రి నుంచి ఇటీవలే డిశ్చార్జ్ అయిన సాయిధరమ్ పెళ్లి పీటలెక్కడమేంటన్న ఆలోచన అందరిలోనూ ఉంది. కానీ ఇప్పుడా వార్తలు వైరల్ అవుతున్నాయి. వైద్యులు కొంతకాలం విశ్రాంతి తీసుకోమన్నారు కాబట్టి పనిలో పనిగా పెళ్లి ఆలోచన ఏమైనా వచ్చిందా అన్న అనుమానాలు కూడా ఉన్నాయి. అంతేకాదు మేనమామ పవన్ కళ్యాణ్ తో పోలుస్తూ సోషల్ మీడియాలో వార్తలు చక్కర్లు కొడుతున్నాయి.
‘పిల్లా నువ్వు లేని జీవితం’ అంటూ హీరోగా జనం ముందుకు వచ్చిన తేజుపై అప్పట్లోనే రకరకాల వదంతులు గుప్పుమన్నాయి. హీరోయిన్ రెజీనాతో చెట్టపట్టాలేసుకు తిరుగుతున్నాడన్నది ఆ వార్తల సారాంశం. ఇప్పుడు ఆ స్థానంలో ఓ భామ చేరింది. ఆమె విదేశీ అమ్మాయి. బ్రెజిలియన్ హీరోయిన్, మోడల్ లారిస్సా బోనేసితో తేజు ప్రేమాయణం సాగిస్తున్నట్లు వార్తలు వస్తున్నాయి. ఆమె సాయిధరమ్ తో ‘తిక్క’ సినిమాలో నటించింది. ఆ తిక్క ఇప్పుడు పెళ్లి పీటల దాకా లాక్కొస్తుందా అన్న అనుమానాలైతే ఉన్నాయి.
విదేశీ అమ్మాయి కాబట్టి మేనమామ పవన్ తో పోలుస్తున్నారు. పవన్ ప్రస్తుత భార్య అన్నాలెజినోవా కూడా విదేశీ మహిళే కదా. ఇక పెళ్లి వార్త బయటకు రావడానికి ప్రధాన కారణం అల్లు శిరీష్. ఇటీవలే తేజు పుట్టిన రోజు జరిగింది. ఈ సందర్భంగా నిహారిక శుభాకాంక్షలు చెబుతూ ఓ వీడియోను పోస్ట్ చేసింది. దీనిపై అల్లు శిరీష్ స్పందించి ఓ పోస్ట్ పెట్టాడు. ‘ఒంటరి మనిషిగా ఇది మీ చివరి పుట్టిన రోజు అని నేను భావిస్తున్నా. త్వరలో మీరు పెళ్లి వార్తతో ముందుకు వస్తారు’ అని పేర్కొన్నాడు. దాంతో నెటిజన్ల శోధనలు మొదలయ్యాయి.
I’m in love .
— Larissa Bonesi (@larissabonesi) October 15, 2021
వెతగ్గా వెతగ్గా ఈ బ్రెజిల్ అమ్మాయి దొరికింది. ఆమె ట్విట్టర్ వెతికితే మరికొంత సమాచారం దొరికింది. ఇక నెటిజన్లకు పండగే పండగ. తిక్క సినిమాలో ఆమెతో ఏర్పడిన పరిచయం కాస్తా ప్రేమగా మారిందని అంటున్నారు. ఈ బంధం కొనసాగుతున్నట్లు ఆమె పెట్టిన ట్వీట్ వల్ల అర్థమవుతోంది. ఆమె గతంలో పెట్టిన ట్వీట్లన్నీ దీనికి ఆజ్యం పోస్తున్నాయి. తేజు నటించిన ‘రిపబ్లిక్’ సినిమా విడుదల రోజు ‘నా తేజు నటించిన రిపబ్లిక్ సినిమా ఈరోజు విడుదలవుతోంది’ అంటూ లవ్ సింబల్ తో పోస్ట్ చేసింది.
Sai Dharam Tej Love And Marriage With Brazil Girl
I miss you @IamSaiDharamTej 😞♥️ #CountDown to see you !
— Larissa Bonesi (@larissabonesi) October 6, 2021
దాంతో పాటు ఇటీవల ఐయామ్ ఇన్ లవ్ అంటూ మరో పోస్ట్ షేర్ చేసింది. దీంతో అందరూ ఒక అభిప్రాయానికి వచ్చేశారు. లవ్ ట్రాక్ వీరిద్దరి మధ్యే అని భావిస్తున్నారు. త్వరలోనే వీరు ఒకటవబోతున్నారంటూ కామెంట్లు కూడా పెట్టేస్తున్నారు. దీనిపై సాయిధరమ్ తేజ్ ఎలా స్పందిస్తాడో చూడాలి. అయితే ఓ సందేహం కూడా ఉంది. తను ఓ హీరోయిన్ ను లవ్ చేశానని, అయితే ఆమె తన ప్రేమను రిజక్ట్ చేసిందని తనే ఓ ఇంటర్వ్యూలో చెప్పాడు. ఆమె ఈమేనని అప్పట్లో అంతా అనుకున్నారు. మరి ఇప్పుడిలాంటి వార్తలు వస్తున్నాయి. ఏదేమైనా నిప్పులేకుండా పొగరాదు కదా.
TODAY IS THE DAY !! My Teju @IamSaiDharamTej 🙏🏾🧿♥️ #Republic pic.twitter.com/hL9uEDlHIK
— Larissa Bonesi (@larissabonesi) September 30, 2021
