ఏపీలో ఒక్కరోజు వ్యవధిలో 30,964 నమూనాలను పరీక్షించగా 1,184 మందికి కొవిడ్ నిర్ధారణైంది. అత్యధికంగా గుంటూరు జిల్లాలో 352, అత్యల్పంగా పశ్చిమగోదావరి జిల్లాలో 19కేసులు నమోదయ్యాయి. రాష్ట్ర వైద్య ఆరోగ్యశాఖ బులెటిన్లో ఈ వివరాలను వెల్లడించింది. వీటితో రాష్ట్రంలో ఇప్పటివరకు నమోదైన కరోనా కేసుల సంఖ్య 9,01,989కి చేరింది. 24 గంటల వ్యవధిలో కొవిడ్ చికిత్స పొందుతూ నలుగురు మృతిచెందారు. చిత్తూరు జిల్లాలో ముగ్గురు, నెల్లూరు జిల్లాలో ఒకరు మరణించారు. వీరితో రాష్ట్రంలో కొవిడ్తో మృతి చెందిన వారి సంఖ్య 7,217కి చేరింది. ఒక్కరోజు వ్యవధిలో 456 మంది కరోనా నుంచి పూర్తిగా కోలుకోగా ప్రస్తుతం ఏపీలో 7,338 యాక్టివ్ కేసులున్నాయి. రాష్ట్రవ్యాప్తంగా ఇప్పటి వరకు 1,50,83,179 నమూనాలను పరీక్షించినట్లు ప్రభుత్వం ఆ బులెటిన్లో పేర్కొంది.
Must Read ;- ఏయూను కమ్ముకున్న కరోనా..
