హనుమంతుడు సంజీవని తెచ్చారు.. భారత్ టీకా ఇచ్చింది..

ప్రపంచంలోనే అతి పెద్ద ఔషత తయారీల్లో ఒకటైన భారత్, కరోనా వ్యాక్సిన్లను విదేశాలకు ఎగుమతులు ప్రారంభించింది. అందులో భాగంగా భారత్ నుంచి బ్రెజిల్‌కు రెండు మిలియన్ల కొవిడ్-19 డోసులు చేరుకున్నాయి. కరోనా కారణంగా అత్యంత ప్రభావానికి గురైన దేశాల్లో బ్రెజిల్ ఒకటని అందరికీ తెలిసిన విషయమే. నేటికీ కరోనా కోరల్లో చిక్కి విలవిల్లాడుతోంది బ్రెజిల్.

భారత్ నుండి కొవిషీల్డ్ వ్యాక్సిన్లు బ్రెజిల్ చేరుకున్న సందర్భంగా, దీనిపై కాస్త వెరైటీగా స్పందించారు బ్రెజిల్ అధ్యక్షులు. కరోనా వ్యాక్సిన్లను అందించినందుకు కృతజ్ఞతలు తెలిపారు. ప్రపంచాన్ని వణికిస్తున్న కరోనా మహమ్మారి ఎదుర్కొవడంలో భారత్‌తో కలిసి పనిచేసే అవకాశం రావడం ఎంతో గొప్పగా భావిస్తున్నాం. మా దేశానికి వ్యాక్సిన్లు అందించినందుకు భారత్‌కు కృతజ్ఞతలు తెలిపారు.’

Also Read ;- ప్రజా ప్రతినిధులు కరోనా ఫ్రంట్ లైన్ వర్కర్స్ కాదు: మోడీ

Namaskar, Prime Minister @narendramodi

Brazil feels honoured to have a great partner to overcome a global obstacle by joining efforts.

Thank you for assisting us with the vaccines exports from India to Brazil.

Dhanyavaad! धनयवाद

— Jair M. Bolsonaro (@jairbolsonaro) January 22, 2021

దీనితో పాటు.. బ్రెజిల్ అధ్యక్షుడు చేసిన మరొక ట్వీట్ నెట్టింట వైరల్‌గా మారింది. ‘రామాయణంలో, లక్ష్మణుడి కోసం సంజీవని అందించడానికి ఏకంగా కొండనే పెకలించి తెచ్చిన హనుమంతుడి లాగా.. నేడు భారత్.. కరోనా అనే సంజీవని మా దేశానికి పంపింది’ అంటూ భారత్ వ్యాక్సిన్‌ని సంజీవనితో పోలుస్తూ.. హనుమంతుడు, భారత్ నుంచి బ్రెజిల్‌కు వ్యాక్సిన్ తీసుకొస్తున్నట్లుగా ఫొటోను షేర్ చేశారు. అది చూసిన నెటిజన్లు బ్రెజిల్ అధ్యక్షుడి వెరైటీ కృతజ్ఞతలకు అభినందనలు తెలియజేస్తున్నారు. అంతేకాదు, భారత్ వ్యాక్సిన్‌ను సంజీవనితో పోల్చినందుకు ఉప్పొంగిపోతున్నారు.

Must Read ;- స్వదేశీ కొవాగ్జిన్ చూసి వాళ్లు ఏడుస్తున్నారా..?

The honour is ours, President @jairbolsonaro to be a trusted partner of Brazil in fighting the Covid-19 pandemic together. We will continue to strengthen our cooperation on healthcare. https://t.co/0iHTO05PoM

— Narendra Modi (@narendramodi) January 23, 2021

బ్రెజిల్ అధ్యక్షుడి ట్వీట్‌పై స్పందించిన మోడీ.. ‘కరోనాని ఓడించడంలో మీ లాంటి నమ్మకమైన పార్టనర్ దొరికినందుకు, మేమెంతో ఆనందిస్తున్నాం. ప్రపంచ ఆరోగ్య మెరుగదలలో భారత్ తన వంతు పాత్ర పోషించడంలో ఎన్నడూ ముందుంటుంది.’