Health Benefits of Ugadi Pachadi in Telugu
ఉగాది పచ్చడి తీపి, పులుపు, ఉప్పు, కారం, చేదు, వగరుల షడ్రుచుల మిశ్రమం అని అందరికీ తెలుసు. కానీ, అందులో దాగి ఉన్న ఆరోగ్య రహస్యమేమిటో మీకు తెలుసా..? మన పెద్దలు ప్రయోజనం లేకుండా ఏదీ చెయ్యరు. వారు చెప్పిన మాటలు, చూపిన బాట అన్నింటిలోనూ ఒక అర్ధం, ఆరోగ్యవంతమైన రహస్యం ఖచ్చితంగా ఉంటాయి. ఈ ఉగాది పచ్చడిలో దాగి ఉన్న ఆరోగ్య రహస్యాలున్నాయి.
Health Benefits of Ugadi Pachadi in Telugu :
ఉగాది పచ్చడి తో హెల్త్ బెనిఫిట్స్…
ఉగాది రోజున తినే పచ్చడిలో కొత్త చింతపండు, లేత మామిడి చిగుళ్ళు, కొత్తబెల్లం, వేపపూత, మామిడి కాయముక్కలు, చెరుకు ముక్కలు, జీలకర్రలాంటివి ఉపయోగిస్తారు. ఈ పచ్చడి శారీరక ఆరోగ్యానికి కూడా ఎంతో శ్రేష్ఠమని ఆయుర్వేదశాస్త్రం మొదటి నుండి చెప్తూనే వస్తుంది. ఈ పచ్చడిని ఖాళీ కడుపుతో తీసుకుంటే ఆరోగ్యానికి ఎంతో మంచిదని చెప్తారు. ఈ ఉగాది పచ్చడిలో మరో పరమార్ధం కూడా ఉంది. ఆహారంలో ఉండే ఔషధ గుణాన్ని, వృక్ష సంరక్షణ అవసరాన్ని, ఆయుర్వేదానికి ఆహారానికి గల సంబంధాన్ని తెలుపుతుంది. ఋతు మార్పుల కారణంగా వచ్చే వాత, కఫ, పిత్త దోషాలను హరించే ఓ ఔషధంగా ఉగాది పచ్చడి తినే ఆచారం ఆరంభమైంది. ఈ పచ్చడిని శ్రీరామ నవమి వరకు తినాలని శాస్త్రాలు చెబుతున్నాయి.
