యంగ్ టాలెంట్ ను ప్రోత్సహించడంలో మెగాస్టార్ చిరంజీవి ఎప్పుడూ ముందు వరుసలోనే ఉంటారు. సాధారణంగా నచ్చిన సినిమాను మెచ్చి.. ఆయా హీరోల్ని మనసారా ప్రశంసించడం ఆయన నైజం. అలాంటిది సొంత మేనల్లుడు వైష్ణవ్ తేజ మొదటి సినిమా ‘ఉప్పెన’ .. ఉప్పెనంత స్థాయిలో వసూళ్ళు కురిపించి.. కొత్త రికార్డులు సృష్టిస్తుంటే.. ఆయన చూస్తూ ఎలా ఊరుకుంటారు? అందుకే పిలిచి. మరీ ఓ ఖరీదైన వాచ్ ను బహుమతిగా ఇచ్చేశారు. దాంతో ఆ మెగా మేనల్లుడు ఉబ్బి తబ్బిబ్బయిపోతున్నాడు.
మేనమామ చిరంజీవిని, ఆయన మెగాస్టార్ డమ్ ను చిన్నప్పటినుంచీ దగ్గర నుంచి చూస్తూ పెరిగాడు వైష్ణవ్ తేజ. అంతేకాదు.. తన పిల్లలతో పాటు సాయి ధరమ్ తేజను, వైష్ణవ్ తేజ ను సమానంగా ఆదరిస్తూ.. వారిని ప్రోత్సహిస్తూ వచ్చారు. ఇప్పుడతడు హీరోగా నిలబడేందుకు.. ఆయన చేసిన కృషి అంతా ఇంతా కాదు. అందుకే ఆయన తన మేనల్లుడి మొదటి విజయానికి మురిసిపోతూ.. తన అభిమానాన్ని అంతటినీ ఇలా గిఫ్ట్ రూపంలో వ్యక్తం చేశారు. తన మేనమామ తనమీద చూపిస్తున్న అభిమానానికి సంబరపడిపోతూ.. వైష్ణవ్ .. థ్యాంక్యూ మామా అంటూ.. ఇన్ స్టా వేదికగా తన కృతజ్ఞతను చాటుకున్నాడు.
Must Read : వైష్ణవ్ విషయంలో నాన్న చాలా కేర్ తీసుకున్నారు
