ప్రముఖ నటుడు, నిర్మాత నాగబాబు ఇంట సందడి మొదలైంది. ఆయన కుమార్తె, లోగడ నటిగా కొన్ని సినిమాలు చేసిన నీహారిక ప్రీ వెడ్డింగ్ పనులు వేగవంతమయ్యాయి. గుంటూరు ఐజీ ప్రభాకర్ రావు కుమారుడు చైతన్యతో నీహారిక పెళ్లి జరగనుంది. ఇండియన్ బిజినెస్ స్కూల్ లో ఎం.బి.ఏ. చదివిన చైతన్య హైదరాబాద్ లోని ఓ కంపెనీలో ఉద్యోగం చేస్తున్నారు. ఆ మధ్య వీరి నిశ్చితార్ధ వేడుక జరిగిన విషయం తెలిసిందే. ఈ నెల 9న రాత్రి 7 గంటల 15 నిమిషాలకు వీరి వివాహం రాజస్థాన్ లోని ఉదయపూర్ లో ఉదయ్ విలాస్ లో జరగనుంది.
ఈ నేపథ్యంలో నాగబాబు ఇంట పెళ్లి కళ వచ్చేసింది. శనివారం నీహారికను పెళ్లికుమార్తెగా ముస్తాబు చేశారు. సంప్రదాయబద్ధంగా ఆ కార్యక్రమాన్ని నిర్వహించారు. పెళ్లి కూతురిగా ముస్తాబైన నీహారిక పసుపు పచ్చ చీరలో మెరిసిపోతూ కనిపిస్తోంది. కేవలం కుటుంబ సభ్యులు, స్నేహితుల సమక్షంలో ఈ వేడుక జరిగింది. ఇందుకు సంబందించిన ఫోటోలను వరుణ్ తేజ్ సోషల్ మీడియాలో పోస్ట్ చేశారు.
Must Read ;- సింహాచలంలో ఆ దర్శకుడి ప్రత్యేక పూజలు ఎందుకు?
