డబ్బుకావాలి .. లైంగిక వాంఛ తీర్చాలి..!
ఉత్తరాఖండ్ నైనితాల్ జిల్లా హల్ద్వానీలో 50 మందికి పైగా మహిళలను మోసం చేసి వారి వద్ద నుంచి డబ్బులు గుంజుకోవడమేకాక, లైగికంగా వేధించాడు ఓ నీచుడు. వారిని బలవంతంగా శృంగార వాంఛ తీర్చుకున్నాడు ఆ కీచకుడు. బఘేశ్వర్ కు చెందిన చంద్రజోషి హల్ద్వానీ దొన్హారియా ఫ్రెండ్ కాలనీలో నివాసముంటున్నాడు. ఫేస్ బుక్ ద్వారా యువతులకు వల వేసి.. ఉద్యోగం పేరుతో వంచించి డబ్బులు గుంజుతున్నాడని బాధితులు పోలీసులకు ఫిర్యాదు చేశారు. దీంతో కేసు నమోదు చేసుకున్న పోలీసులు చంద్ర జోషిని అరెస్ట్ చేశారు. తమదైన శైలిలో విచారించడగా.. నివ్వెరబోయే వాస్తవాలు వెలుగు చూశాయి.
సామాజిక మాధ్యమాల ద్వారా పరిచయం.. ఉద్యోగాల ఎర!
సామాజిక మాధ్యమాల ద్వారా నర్సింగ్ కోర్సు చేసే మహిళలను లక్ష్యంగా చేసుకుని తానోక మెడికల్ ఆఫీసర్ నని చెప్పి.. ఉద్యోగం ఇప్పిస్తానని నమ్మపలుకుతాడు. లక్ష రూపాయాలిస్తే ఉద్యోగం గ్యారెంటీ అని చెప్పి మాయ మాటలు చెబుతాడు. డబ్బుతోపాటు ఒకసారి లైంగిక వాంఛ తీర్చాలని ఫోర్స్ చేస్తాడు. వినకుంటే బలవంతంగా దాడి చేస్తాడు. ఇలా మొత్తం 50 మంది మహిళలపై చంద్రజోషి ఇలా లైంగిక దాడిచేసి, వేధించాడని క్రైం బ్రాంచ్ ఎస్పీ జగదీశ్ చంద్ర తెలిపారు. ఉద్యోగం పేరుతో ఓ మహిళ నుంచి రూ. 5 లక్షలు తీసుకున్నాడని ఆయన చెప్పారు. అన్ని నేరాలను నిందుతుడు చంద్ర ఒప్పుకున్నాడని ఎస్పీ వివరించారు.
