మెగాస్టార్ చిరంజీవి, కొరటాల కయికలో తెరకెక్కుతోన్న క్రేజీ మూవీ ‘ఆచార్య’. మే 13న విడుదల కాబోతున్న ఈ సినిమా దేవాలయ భూముల కుంభకోణం నేపథ్యంలో తెరకెక్కుతోంది. సామాజిక అంశంతో రూపొందుతున్న ఈ సినిమాతో మంచి సందేశాన్ని కూడా ఇవ్వబోతున్నాడు కొరటాల. అయితే ఈ సినిమా కథ సీనియర్ ఇష్యూ చుట్టూ తిరిగినప్పటికీ .. కామెడీకి మాత్రం ఏ లోటూ ఉండదని అంటున్నారు. ఆ మేరకు కొరటాల స్ర్కిప్ట్ లో మంచి కామెడీ సన్నివేశాల్ని రాయించాడట. వాటిని కామెడీ రైటర్ .. శ్రీధర్ సీపాన రాశాడని టాక్. అంతేకాదండోయ్.. ఆ సన్నివేశాల్ని వెన్నెల కిషోర్ మీద చాలా హిలేరియస్ గా వర్కవుట్ చేస్తున్నారట.
వెన్నెల కిషోర్ మంచి టైమింగ్ తో, చక్కటి ఎక్స్ ప్రెషన్స్ తో ఎలాంటి కామెడీ సన్నివేశాన్ని అయినా.. రక్తికట్టించగలడు. అందుకే కొరటాల శివ.. ‘ఆచార్య’ లోని కామెడీ బాధ్యత అతడికే అప్పగించాడట. నిజానికి కొరటాల శివ సినిమాల్లో కామెడీ సన్నివేశాలకు అంతగా స్కోపుండదు. అయినప్పటికీ ‘శ్రీమంతుడు’ లో వెన్నెల కిశోర్, ఆలీపై మంచి సీన్స్ వర్కవుట్ చేశాడు. ఆ తరహాలోనే ఇప్పుడు ఆచార్యలో వెన్నెల కిషోర్ పై కామెడీ సీన్స్ ఉండబోతున్నాయని వినికిడి. మరి వెన్నెల కిశోర్ కామెడీ ఆచార్య కి ఏ మేరకు హైలైట్ అవుతాయో చూడాలి.
Must Read ;- మెగా ‘ఆచార్య’ పాన్ ఇండియా ప్లాన్ కు అడ్డంకులు
