WHO Warns of Severe Post Covid Infections :
కొవిడ్ నుంచి కోలుకున్నా తర్వాత ఇతర ఇన్ఫెక్షన్లు దాడి చేస్తాయా? మళ్లీ ఇతర వైరస్ లు ప్రభావం చూపుతాయా? అనే విషయాలపై ఇప్పటికీ చాలామందికి సందేహాలు ఉన్నాయి. ఈ నేపథ్యంలో ప్రపంచ ఆరోగ్య సంస్థ ఒక ప్రకటన విడుదల చేసింది. కొవిడ్ నుంచి రికవరీ అయిన తర్వాత కూడా ఇతర ఇన్ఫెక్షన్లు దాడి చేస్తాయని స్పష్టం చేసింది. మలేరియా, డెంగీ, ఫ్లూ, క్షయ, హెచ్ఐవీ, టైఫాయిడ్, ఫంగల్ వైరస్ లు కూడా ప్రభావం చూసే ప్రమాదం ఉందట. కాబ్టటి కరోనా వేళ ఇతర ఇన్ఫెక్షన్ల పట్ల జాగ్రత్తగా ఉండాలని సూచించింది. ఏ చిన్న అనారోగ్య సమస్య తలెత్తినా, వెంటనే వైద్యులను సంప్రందించాలని హెచ్చరించింది.
అవసరమైతేనే యాంటీ బయాటిక్స్
అవగాహన లోపమో, మరే ఇతర కారాణాలో కానీ.. కొంతమంది యాంటీ బయాటిక్స్ తరుచుగా వాడుతున్నారు. యాంటీ బయాటిక్స్ ఎవరికీ ఇవ్వాలి? ఏయే సమయంలో అందించాలి? అనే విషయాలు చాలామందికి తెలియవు. దీనిపై కూడా డబ్ల్యూహెచ్ ఓ కీలక నిర్ణయం తీసుకుంది. కొవిడ్‌తోపాటు ఇతర ఇన్ఫెక్షన్ల బారినపడినవాళ్లకు, అవసరమైతే తప్ప యాంటీ బయాటిక్స్ ఇవ్వొద్దని స్పష్టం చేసింది. 60 ఏళ్లు దాటిన వృద్ధులు, 5 ఏండ్ల చిన్నారుల్లో సెకండరీ ఇన్ఫెక్షన్ల రూపంలో బ్యాక్టీరియా దాడిచేసే ఎక్కువగా ఉంటాయని, అలాంటివాళ్లకు యాంటీ బయాటిక్స్ ఇవ్వాలని సూచించింది. ఇక సీజనల్ వ్యాధుల కాలం కాబట్టి.. ఏయే ప్రాంతాల్లో ఎలాంటి వ్యాధులు వ్యాప్తి చెందుతాయనే విషయాలపై కూడా అవగాహన ఉండాలని, దానికి తగ్గట్టు జాగ్రత్త చర్యలు తీసుకోవాలని సూచించింది.
వారంరోజులకు మించి..
కరోనా వైరస్ వ్యాప్తిని డబ్ల్యూహెచ్ ఓ ఇప్పటికే ఓ మహమ్మారిగా ప్రకటించింది. ఈ క్లిష్ట పరిస్థితుల్లో, ప్రాణాంతక వైరస్ సోకకుండా ఉండేందుకు ప్రజలు తమను తాము రక్షించుకోవడానికి అన్ని జాగ్రత్త చర్యలు తీసుకుంటున్నారు. ఈ నేపథ్యంలోనే యాంటీ బయాటిక్స్ కరోనా వైరస్‌ని అడ్డుకుంటుందని చాలామంది భావించారు. అయితే వారం రోజులకు మించి యాంటీ బయాటిక్స్ వాడొద్దని ప్రపంచ ఆరోగ్య సంస్థ సైతం సూచించింది.
Must Read ;- పిల్లలు.. హోం ఐసోలేషన్ లో ఎలా..?
