ఐకాన్ స్టార్ బన్నీ, బ్రిలియంట్ డైరెక్టర్ సుకుమార్ కాంబినేషన్ లో వస్తోన్న భారీ పాన్ ఇండియా మూవీ ‘పుష్ప’. తెలుగుతో పాటు తమిళ, కన్నడ, మలయాళ భాషలతో పాటు హిందీలో సైతం ఈ సినిమా విడుదల కాబోతోంది. ఆగస్ట్ 13న విడుదల కానున్న ఈ సినిమా కోసం వివిధ భాషల నుంచి నటీనటుల్ని .. పలు ప్రధాన పాత్రలకి ఎంపిక చేసుకున్నాడు సుక్కు. అందులో భాగంగానే.. మెయిన్ విలన్ గా ఎంపికైన మలయాళ నటుడు ఫహద్ ఫాజిల్ .. ఇటీవలే పుష్ప సెట్లోకి అడుగుపెట్టాడు.
ఇక ‘పుష్ప’ సినిమాలో మరో కీలకపాత్రలో అందాల అనసూయ కనిపిస్తుందట. నిజానికి పుష్ప సినిమా మొదలైనప్పుడే ఇందులో అనసూయ నటిస్తున్నట్టు వార్తలొచ్చాయి. అయితే అప్పుడు అనసూయ ఈ వార్తల్ని ఖండించింది. ఇప్పుడు నిజంగానే అనసూయ పుష్పలో నటిస్తోందంటూ టాక్స్ వినిపిస్తున్నాయి. అంతేకాదు .. ఆమె తన పోర్షన్ ను కూడా కంప్లీట్ చేసిందట. కరోనా సెకండ్ వేవ్ నేపథ్యంలో అన్ని నిబంధనల్ని పాటిస్తూ.. అనసూయ పుష్ప లో నటించిందట.
‘రంగస్థలం’లో అతి కీలకమైన రంగమ్మత్త పాత్రను డిజైన్ చేసిన సుక్కు… ‘పుష్ప’ సినిమాలో కూడా అంతకు మించే అనే స్థాయిలో అనసూయ పాత్ర ను ఎలివేట్ చేయబోతున్నాడట. ఒక విధంగా అనసూయకి ఈ అవకాశం ఆ రూమర్స్ వల్లే వచ్చిందని సోషల్ మీడియాలో నెటిజెన్స్ గుసగుసలాడుతున్నారు. అంతేకాదు దానికి అనసూయ నెటిజెన్స్ థాంక్స్ కూడా చెప్పాలని డిమాండ్ చేస్తున్నారట. ఈ వార్తలో నిజానిజాలేంటో తెలియదు కానీ.. ‘పుష్ప’ అనసూయ నటిస్తూండడం పాజిటివ్ సెంటిమెంట్ గానే ఫీలవుతున్నారు అభిమానులు. మరి ఇందులోని తన పాత్ర గురించి అనసూయ ఏమైనా స్పందిస్తుందేమో చూడాలి.
Must Read ;- ‘మహాసముద్రం’లో రంగమ్మత్త ఐటెమ్ సాంగ్?
