టాలీవుడ్ స్టైలిష్ స్టార్ అల్లు అర్జున్, సుకుమార్ దర్శకత్వంలో నటిస్తున్న పాన్ ఇండియా చిత్రం ‘పుష్ప’. కరోనా కారణంగా సెట్స్ మీదకు వెళ్ళలేకపోయిన ఈ సినిమా రీసెంట్ గా స్టార్ట్ అయిన సంగతి తెలిసిందే. ప్రస్తుతం ‘పుష్ప’ సినిమా షూటింగ్ ఈస్ట్ గోదావరి జిల్లా మారేడుమిల్లి అడవుల్లో జరుగుతోంది. కరోనా కారణంగా అనేక జాగ్రత్తలు తీసుకొని షూటింగ్ చేస్తోంది చిత్ర బృందం. ఇక ఈ సినిమా షూటింగ్ కి సంబంధించిన ఒక లీక్డ్ ఫోటో ఇప్పుడు సోషల్ మీడియాలో వైరల్ గా మారింది.
ఆ ఫొటోలో బన్నీ గుబురు గెడ్డంతో, మాసిపోయిన షర్ట్, ఫ్యాంట్‌ తో రఫ్ లుక్‌లో కనపడుతున్నాడు. కాగా ఈ ఫొటోకు అభిమానుల నుండి మంచి స్పందన వస్తోంది. తమ అభిమాన హీరో ఎలా ఉన్నా స్టైలిష్ గానే ఉంటాడని వారు కామెంట్స్ పెడుతున్నారు. ఇక ఇందులో బన్నీ ఎర్రచందన స్మగ్లర్ గా కనిపించనున్నాడు. దేవిశ్రీప్రసాద్ సంగీతం అందిస్తున్న ఈ సినిమాకు రష్మిక హీరోయిన్ గా నటిస్తోంది. అలాగే ప్రకాష్ రాజ్, జగపతిబాబు మరో కీలక పాత్రల్లో నటిస్తున్నారు.
మైత్రి మూవీ మేకర్స్, ముత్తంశెట్టి క్రియేషన్స్ సంయుక్తంగా నిర్మిస్తున్న ‘పుష్ప’ సినిమాపై అభిమానుల్లోనే కాకుండా సామాన్య ప్రేక్షకుల్లో కూడా భారీ అంచనాలు నెలకొన్నాయి. ఇప్పటికే ఈ సినిమాపై విడుదలైన ఫస్ట్ లుక్ కు మంచి రెస్పాన్స్ వచ్చింది. ఈ సినిమా కోసం అభిమానులు ఎంతో ఆత్రుతగా ఎదురుచూస్తున్నారు. వచ్చే ఏడాది సమ్మర్ లో ఈ సినిమా ప్రేక్షకుల ముందుకు రానున్నది. బన్ని ఈ సినిమాతో మరో హిట్ అందుకోవడం ఖాయంగా కనబడుతోంది. మరి బన్నీ ఈ సినిమాతో ఇంకేరేంజ్ లో రికార్డులు తిరగరాస్తాడో చూడాలి.
Must Read ;- బన్నీ కోసం ‘వరుడు’ విలన్ రంగంలోకి దిగుతున్నాడు
