Another Corona Vaccine From Hyderabad :
హైదరాబాద్ కేంద్రంగా మరో కరోనా వ్యాక్సిన్ రాబోతోంది. నోరు, ముక్కు ద్వారా చుక్కల రూపంలో అందించడానికి వీలయ్యే నియోకోవ్ అనే వ్యాక్సిన్‌ను హైదరాబాద్ కు చెందిన నియోడెల్ తయారు చేసింది. త్వరలో ఉత్పత్తి ప్రారంభం కానుంది. కేవలం ఒక డోసు ద్వారా కరోనాకు చెక్ పెట్టనున్న ఈ వ్యాక్సిన్ త్వరలో అందుబాటులోకి రానుంది. అమెరికాలోని అట్లాంటా ఎమోరి విశ్వవిద్యాలయంతో కలసి హైదరాబాద్ కు చెందిన నియోడెల్ పేటెంట్ సంపాదించింది. మశూచీ టీకాల తయారీకి ఉపయోగించే మాడిఫైడ్ వ్యాక్సిన్ అంకారా ద్వారా నియోకోవ్ తయారు చేశారు. ఉత్తమ ఫలితాలు సాధించారు.
ఎక్కువ కాలం అడ్డుకుంటుంది
కేవలం ఒక డోసు ఇవ్వడం ద్వారా కరోనాను ఎక్కువ కాలం అడ్డుకోవచ్చని కంపెనీ ఉన్నతాధికారులు వెల్లడించారు. దీనికితోడు ముక్కు, నోటి ద్వారా తీసుకునే వీలుంది. దీన్ని తీసుకోవడం ఎంతో సులువవుతుంది. ఈ వ్యాక్సిన్ అందుబాటులోకి వస్తే ఇక కరోనా వ్యాప్తికి చెక్ పడినట్లే అవుతుందని నిపుణులు భావిస్తున్నారు. రాబోయే ఏడాది కాలంలో 6 కోట్ల డోసులు ఉత్పత్తి చేయాలని కంపెనీ లక్ష్యంగా పెట్టుకుంది. 2023 నాటికి 600 కోట్ల డోసులు ఉత్పత్తి చేయనున్నారు. ఈ టీకా రూ.140లకు అందుబాటులోకి రానుంది.
Must Read ;- వాళ్లకూ వ్యాక్సిన్ : కరోనా కేసుల నేపథ్యంలో కేంద్రం నిర్ణయం
