పశ్చిమగోదావరి జిల్లా జంగారెడ్డిగూడెం మున్సిపాలిటీ ఛైర్మన్ ఎంపిక విషయంలో వైసీపీ రెండుగా చీలింది. ఏలూరు వైసీపీ ఎంపీ కోటగిరి శ్రీధర్, జంగారెడ్డి గూడెం ఎమ్మెల్యే ఎలీజా వర్గీయులు రెండు గ్రూపులుగా విడిపోయారు. ఎవరికి వారే తమ అనుచరులను ఛైర్మన్‌గా ఎన్నుకోవాలనే ప్రయత్నాలు ప్రారంభించారు. దీంతో 15 మంది కౌన్సిలర్లను ఎమ్మెల్యే ఎలీజా రహస్య ప్రాంతానికి తరలించారు. మరో 10 మంది ఎంపీ శిబిరంలో చేరిపోయారు. రెండు వర్గాలుగా చీలిపోయి రాజకీయ శిబిరాలు ఏర్పాటు చేయడంతో జంగారెడ్డిగూడెం ఛైర్మన్ ఎవరు అవుతారనేది ప్రశ్నార్థకంగా మారింది.
స్పష్టమైన మెజారిటీ
జంగారెడ్డిగూడెం మున్సిపాలిటీలో మొత్తం 30 వార్డులకు గాను వైసీపీ 25 వార్డులు కైవసం చేసుకుంది. నాలుగు టీడీపీ, ఒకచోట జనసేన అభ్యర్థులు గెలిచారు. వీరిలో ఎమ్మెల్యే ఎలీజా శిబిరంలో 15 మంది, ఎంపీ శ్రీధర్ శిభిరంలో 10 మంది కౌన్సిలర్లు ఉన్నారు. వీరంతా వైసీపీ అధిష్టానం నిర్ణయం కోసం ఎదురు చూస్తున్నారు. ఎమ్మెల్యే చెప్పిన వ్యక్తికి 3 సంవత్సరాలు, ఎంపీ అనుచరుడికి 2 సంవత్సరాలు ఛైర్మన్ పదవి పంచుకునే విధంగా పరిష్కారం చూపుతారనే ప్రచారం సాగుతోంది.
Must Read ;- ఆ రెండూ కూడ వదలం.. మైదుకూరు, తాడిపత్రిల్లో వైసీపీ ‘పవర్ ’పాలిటిక్స్
