బిగ్ బాస్ 4 రియాల్టీ షో కంప్లీట్ కావడం.. ఇందులో అభిజిత్ విన్నర్ కావడం తెలిసిందే. ఈ షో నుంచి బయటకు వచ్చిన కంటెస్టంట్లు వరుసగా ఇంటర్ వ్యూలు ఇస్తూ బిగ్ బాస్ షోతో వచ్చిన ఇమేజ్ ను పెంచుకునే ప్రయత్నం చేస్తున్నారు. ఒకరిని మించి మరొకరు ఇంటర్ వ్యూలు ఇస్తూ.. ఎప్పుడు వార్తల్లో ఉంటున్నారు. ఈ సీజన్ లో విన్నర్ అభిజిత్, రన్నర్ అఖిల్ అయినా.. టాప్ 3లో నిలిచిన సోహెల్ కి మంచి పేరు వచ్చింది. అతనికి వచ్చిన క్రేజ్ కు తగ్గట్టుగా సోహెల్ దూసుకెళుతున్నాడు. ఈ షో నుంచి బయటకు వచ్చిన నాలుగు రోజుల్లోనే హీరోగా సినిమాని ఎనౌన్స్ చేసాడు.
ఇక అభిజిత్ విషయానికి వస్తే.. వరుస ఆఫర్స్ వస్తున్నాయి అని చెప్పాడు కానీ.. సినిమా ఎప్పుడు.? ఎవరితో అనేది మాత్రం ఇంకా ప్రకటించలేదు. తాజాగా ఓ యూట్యూబ్ ఛానల్ కి ఇచ్చిన ఇంటర్ వ్యూలో అభిజిత్.. సక్సస్ మీట్ పెట్టడం కాదు.. సక్సస్ టూర్ ప్లాన్ చేస్తున్నాను అని చెప్పాడు. అవును.. అభిజిత్ సక్సస్ టూర్ ద్వారా తనకు ఓటు వేసిన వాళ్లను కలవాలి అనుకుంటున్నాడట. తెలుగు రాష్ట్రాల్లో చాలా టౌన్ లు తిరగాలి అనుకుంటున్నానని చెప్పాడు. ఈ ట్రిప్ ఒక రోజో రెండు రోజులో కాకుండా.. ఏకంగా పది రోజులు ఈ టూర్ ద్వారా పండగ చేద్దామనుకుంటున్నాను అని చెప్పాడు.
ఇక సోహెల్ కి మనీ ఇవ్వడం కోసం తనకు ఇవ్వాల్సిన మనీలో కోత పెట్టడం గురించి అభిజిత్ స్పందించడానికి ఇష్టపడడం లేదు. తనకు గెలవడం ఇంపార్టెంట్. మనీ ఎంత వచ్చింది అనేది కాదు. మనీ ఈవేళ ఉండచ్చు రేపు ఖర్చు అయిపోవచ్చు. నాకు గెలుపు ముఖ్యం అది వచ్చింది చాలా సంతోషంగా ఉందన్నాడు. ఇప్పటి వరకు బిగ్ బాస్ మూడు సీజన్ల విన్నర్స్ ఇలా టూర్ ప్లాన్ చేయలేదు. మరి.. అభిజిత్ సక్సస్ టూర్ తో ఓ ట్రెండ్ క్రియేట్ చేస్తాడేమో చూడాలి.
Must Read ;- ‘బిగ్ బాస్ 4’ విన్నర్ కి వరుస ఆఫర్లు .. !
