టీమిండియా ఆటగాడు జయదేవ్ ఉనద్కత్- రినీ కంటారియా అనే యువతిని పెళ్లాడాడు. అత్యంత సన్నిహితుల సమక్షంలో మంగళవారం వారి పెళ్లి జరిగింది. జయదేవ్ ట్విటర్ వేదికగా సంతోషాన్ని పంచుకున్నాడు. సంప్రదాయ వస్త్రధారణలో భార్యతో కలిసి ఉన్న ఫొటోను షేర్ చేశాడు. ఈ కొత్తజంటకు శుభాకాంక్షలు తెలుపుతూ అభిమానులు ఆశీర్వాదాలు అందజేస్తున్నారు. కాగా సౌరాష్ట్ర పేసర్ అయిన జయదేవ్ ఐపీఎల్లో రాజస్తాన్ రాయల్స్ జట్టుకు ప్రాతినిథ్యం వహిస్తున్నాడు.
2010లో క్రికెట్లో అడుగుపెట్టిన ఉనద్కత్, 2013లో టీమ్ఇండియా తరఫున వన్డేల్లో అరంగేట్రం చేశాడు. అయితే, ఆ తర్వాత మళ్లీ జట్టులో చోటు దక్కించుకోలేకపోయాడు. 2016లో టీ20 ఫార్మాట్లో భారత జట్టుకు ప్రాతినిథ్యం వహించాడు. ఐపీఎల్లో రాజస్థాన్ రాయల్స్కు ప్రాతినిథ్యం వహిస్తున్నాడు. ఇక 2018లో రాజస్తాన్ జట్టు అతడిని రూ.11.5 కోట్లకు కొనుగోలు చేసింది. ఆ తర్వాత అదే జట్టు మళ్లీ రూ. 8.5 కోట్లకు దక్కించుకుంది. 2020లో వేలంలోకి రాగా మళ్లీ అదే జట్టు రూ. 3 కోట్లకు దక్కించుకుంది.
Must Read ;- టీమిండియా పోరాటం స్ఫూర్తిదాయకం: ప్రధాని మోదీ