ఇప్పుడు కొందరు టాలీవుడ్ యంగ్ హీరోలు .. పిలకజుట్టు తో అభిమానులకు మంచి ఫీస్ట్ ఇవ్వబోతున్నారు. గతంలో ‘మగధీర’లో రామ్ చరణ్, ‘అదుర్స్’ లో యన్టీఆర్, ‘బద్రీనాథ్’ లో అల్లు అర్జున్ .. జుట్టుకు పిలకముడి వేసుకొని సత్తా చాటుకున్నారు. అలాగే… చిరంజీవి, నాగార్జున కూడా ఆ తరహాలో కనిపించారు. ఇప్పుడు మళ్ళీ టాలీవుడ్లో ఈ ట్రెండ్ మొదలైంది.
‘ఫైటర్’ కోసం విజయ్ దేవరకొండ
డైనమిక్ డైరెక్టర్ పూరీ జగన్నాథ్, రౌడీ హీరో విజయ్ దేవరకొండ కలయికలో ప్రస్తుతం ‘ఫైటర్’ సినిమా తెరకెక్కుతోన్న సంగతి తెలిసిందే. కిక్ బాక్సింగ్ నేపథ్యంలో ఈ సినిమా రూపొందుతోంది. ఈ సినిమాను బాలీవుడ్ లో కరణ్ జోహార్ విడుదల చేస్తున్నాడు. ఇందులో విజయ్ దేవరకొండ పిలకజుట్టుతో అభిమానుల్ని ఆకట్టుకోబోతున్నాడు. మాస్ అంశాలతో .. అమ్మా నాన్న ఓ తమిళ అమ్మాయి తరహాలో సాగే.. ఫ్యామిలీ సెంటిమెంట్ తో పాటు.. మాస్ అంశాలన్నీ పుష్కలంగా ఉండేలా పూరీ ఈ సినిమాను మలుస్తున్నాడు. లాక్ డౌన్ కారణంగా ఈ సినిమా షూటింగ్ కు కొద్ది కాలం బ్రేక్ పడిన సంగతి తెలిసిందే. ఇప్పుడు మళ్లీ ఈ సినిమా తిరిగి సెట్స్ మీదకు వెళ్ళనుంది.
‘బాక్సర్’ లో మెగా ప్రిన్స్
లాస్టియర్ ‘ఎఫ్ 2, గద్దలకొండ గణేష్’ సినిమాలతో వరుస హిట్స్ అందుకున్న మెగా ప్రిన్స్ వరుణ్ తేజ .. ఇప్పుడు కిరణ్ కొర్రపాటి దర్శకత్వంలో ‘బాక్సర్’ సినిమాలో నటిస్తున్నాడు. బాక్సింగ్ నేపథ్యంలో తెరకెక్కుతోన్న ఈ సినిమాలో వరుణ్ తేజ సైతం పిలక జుట్టుముడితో ఆకట్టుకోడానికి సిద్ధమవుతున్నాడు. అంతేకాదు.. ఇందులో మాస్ అంశాలన్నీ పుష్కలంగా ఉండబోతున్నాయి. ఆల్రెడీ గద్దలకొండ గణేష్ తో మాస్ ఇమేజ్ తెచ్చుకున్న వరుణ్… బాక్సర్ సినిమాతో కూడా మాస్ ఇమేజ్ తెచ్చుకొనే ప్రయత్నంలో ఉన్నాడు.
కొత్త సినిమాలో నాగశౌర్య పిలక లుక్
ఈ ఏడాది జనవరిలో ‘అశ్వథ్థామ’ సినిమాతో నాగశౌర్య మాస్ ఇమేజ్ తెచ్చుకున్నాడు. ఈ సినిమా తెచ్చిపెట్టిన విజయోత్సాహంతో .. ఇప్పుడు మరోసారి నాగశౌర్య ప్రేక్షకులకు మాస్ ట్రీట్ ఇవ్వబోతున్నాడు. సంతోష్ జాగర్ల పూడి దర్శకత్వంలో తెరకెక్కుతోన్న ఈ సినిమా నాగశౌర్యకి 20వ సినిమా. ప్రాచీన విలువిద్య నేపథ్యంలో తెరకెక్కుతోన్న ఈ సినిమాలో నాగశౌర్య విల్లంబులు చేతబట్టి.. పిలకజుట్టు లుక్ తో ఆకట్టుకొనే ప్రయత్నం చేస్తున్నాడు. శ్రీ వెంకటేశ్వరా సినిమాస్ యల్.యల్.పీ, నార్త్ స్టార్ ఎంటర్ టైన్ మెంట్స్ ప్రై లిమిటెడ్ బ్యానర్స్ పై .. నారాయణ దాస్ నారంగ్, పున్కూర్ రామ్మోహనరావు, శరత్ మరార్ సంయుక్తంగా నిర్మిస్తోన్న ఈ సినిమాకి ఇంకా పేరు పెట్టలేదు. సిక్స్ ప్యాక్ బాడీతో .. విలువిద్యా విన్యాసాలతో అలరించనున్న నాగశౌర్య .. ఈ సినిమాతో మాస్ ఇమేజ్ కోసం ప్రయత్నిస్తున్నాడు. మరి ఈ పిలకజుట్టు పిలగాళ్ళు .. ఏ రేంజ్ లో హిట్స్ అందుకుంటారో చూడాలి.