box office clashes పాన్ ఇండియా స్టార్ ప్రభాస్ ముందు ఇప్పుడు పెద్ద సవాళ్లే ఉన్నాయి. ప్రభాస్ నటించిన రెండు ప్రతిష్ఠాత్మక సినిమాలకు మరో రెండు చిత్రాలు గట్టిపోటీని ఇవ్వబోతున్నాయి. ఆ రెండు చిత్రాలు ఏమిటి? అలా పోటీ ఇచ్చే కథాంశాలేమిటి అనే విషయాలను ఇప్పుడు తెలుసుకుందాం. ప్రభాస్, పూజా హెగ్డే జంటగా రూపొందులున్న ప్రేమ కథా చిత్రం ‘రాధేశ్యామ్’ మీద భారీ అంచనాలే ఉన్నాయి. రాధా కృష్ణ కుమార్ దర్శకత్వంలో రూపొందే ఈ సినిమా అమర ప్రేమికుల కథతో తెరకెక్కింది.
ఈ సినిమాని జులై 30న విడుదల చేయడానికి నిర్ణయించారు. అధికారికంగా విడుదల తేదీని కూడా ప్రకటించారు. ఇంతవరకూ ఎలాంటి సమస్యా లేదుగానీ దీని పోటీ ఇవ్వబోతున్న సినిమా విషయంలోనే సమస్య వస్తోంది. అది కూడా ప్రేమ కథే కావడం కాకతాళీయమే. అలా ప్రభాస్ గట్టి పోటీ ఇవ్వబోతున్నది బాలీవుడ్ నటి ఆలియా భట్. ప్రముఖ బాలీవుడ్ దర్శకుడు సంజయ్ లీలా బన్సాలీ రూపొందిస్తున్న ‘గంగూబాయి కతియావాడి’ సినిమా కూడా అదే తేదీన విడుదల కాబోతోంది. సంజయ్ లీలా బన్సాలీ పేరున్న దర్శకుడు.
ఇక ఆలియా ఉన్న క్రేజ్ తెలియంది కాదు. అయితే ప్రభాస్ కు ఉన్న అభిమానల సంఖ్యతో ఆలియాని పోల్చలేం. కాకపోతే కథాపరంగా దమ్మున్న కథనే బన్సాలీ ఎంచుకుంటాడు అనడంలో అతిశయోక్తి లేదు. ఈ రెండు సినిమాలు షూటింగును పూర్తి చేసుకుని పోస్ట్ ప్రొడక్షన్ పనుల్లో ఉన్నాయి. అరకొరగా మిగిలిన షూటింగుల్లో నటులంతా పాల్గొంటున్నారు. ఆలియా భట్ కు సంజయ్ లీలా బన్సాలీతో ఇది మొదటి సినిమా. ఆలియా క్రేజ్, బన్సాలీ ఫాలోయింగ్ కారణంగా ఈ సినిమా మీద కూడా మంచి అంచనాలు ఉన్నాయి.
ఈ రెండు సినిమాల పరిస్థితి ఇలా ఉంటే వచ్చే ఏడాది ఇలాంటి పోటీనే ప్రభాస్ మరో సినిమా విషయంలో ఏర్పడబోతోంది. అదే ప్రభాస్ ‘సలార్’, ప్రశాంత్ నీల్ దర్శకత్వంలో ఈ సినిమా తెరకెక్కుతోంది. ఇది యాక్షన్ థ్రిల్లర్ కథాంశం. ఇలాంటి యాక్షన్ థ్రిల్లర్ కథాంశంతోనే ‘భేడియా’ రూపొందుతోంది. వరుణ్ ధావన్, కృతి సనన్ ఇందులో కీలక పాత్రలను పోషిస్తున్నారు. ఇది హారర్ కామెడీ జోనర్ అంటున్నారు. ఒక విధంగా ‘సలార్’కు ఇది ఎంతమాత్రమూ పోటీ కాకపోయినా వచ్చే ఏడాది ఏప్రిల్ 14న విడుదల అవుతోంది. ‘సలార్’ విడుదల తేదీ కూడా అదే. థియేటర్ల విషయంలో క్లాష్ ఏర్పడే అవకాశం తప్పకుండా ఉంటుంది.
అమర్ కౌశిక్ దర్శకత్వంలో భేడీయా రూపొందుతోంది. ఇందులో వరుణ్ ధావన్ పాత్ర తోడేలు మాదిరిగా ఉంటుందట. స్త్రీలను చెరపట్టే పాత్ర అని ఫీలర్లు వస్తున్నాయి. బహుశా ఈ తేదీలో విడుదలయ్యే వేరే సినిమాలు కూడా ఉండొచ్చు. సాధారణంగా ప్రభాస్ సినిమాతో తమ సినిమాలను విడుదల చేయడానికి మిగిలిన నిర్మాతలను సహాసించక పోవచ్చుగానీ సంజయ్ లీలా బన్సాలీ మాత్రం అలా ఫిక్స్ అయిపోయారు. జులైలో ఈ పోరు ఎలా ఉండబోతోందో వేచిచూద్దాం. సాధారణంగా రెండు దమ్మున్న సినిమాలు ఒకే రోజు విడుదలైతే కొంత ఇబ్బంది మాత్రం ఉంటుంది.
Also Read : ప్రభాస్ ‘సలార్’ మూవీ రిలీజ్ డేట్ వచ్చేసింది
