బాలీవుడ్ అందాల భామ ఆలియా భట్ ఎవర్ని పెళ్లి ఎప్పుడన్న వార్త పెద్ద సంచలనమే. హీరో రణ్ బీర్ కపూర్ తో ఆమె చెట్టపట్టాలేసుకు తిరుగుతున్న సంగతి అందరికీ తెలిసిందే. ప్రేమించుకోవడం, బ్రేకప్ చెప్పేసుకోవడం నటులకు కొత్త కాదు. రణ్ బీర్ కూడా ఇంతకుముందు కత్రినాతో ప్రేమ వ్యవహారం నడిపాడు. ఆ తర్వాత బ్రేకప్ చెప్పేశారు. ఆ తర్వాత ఆలియాతో ప్రేమ చిగురించింది. వీరిద్దరి రిలేషన్ షిప్ పై ఎన్నో వార్తలు వచ్చాయి. ఇదిగో అదిగో అంటున్నా పెళ్లి మాత్రం జరగలేదు. ఇలాంటి వార్తలను ఇద్దరూ ఖండిస్తూ వచ్చారు. ఇక ఆ అవకాశం లేనట్లే. ఎందుకంటే రణ్ బీర్ వీరి రిలేషన్ షిప్ మీద క్లారిటీ ఇచ్చేశారు.
బాలీవుడ్ క్రిటిక్ రాజీవ్ మసంద్ తో జరిగిన ఓ ఇంటర్వ్యూలో రణ్ బీర్ ఈ వివాహం విషయంపై స్పష్టత ఇచ్చారు. త్వరలోనే తమ పెళ్లి జరుగుతుందని అన్నారు. కరోనా లేకుంటే ఇప్పటికే తమ పెళ్లి జరిగి ఉండేదని, దీనిపై ఇంతకంటే ఏమీ చెప్పలేనని వివరించారు. త్వరలోనే పెళ్లి చెబుతానని క్లారిటీ ఇచ్చారు. పెళ్లి ఎప్పుడు జరిగినా గానీ వీరి మధ్య రిలేషన్ షిప్ ఉందనే విషయంలో మాత్రం ఎలాంటి సందేహం అవసరం లేదని తేలిపోయింది. ఆలియా ప్రస్తుతం రాజమౌళి దర్శకత్వంలోని ట్రిపుల్ ఆర్ మూవీలో నటిస్తోంది. బహుశా వచ్చే ఏడాది ఈ జంట వివాహాన్ని మనం చూడొచ్చన్నమాట.
Must Read ;- ‘ఆర్.ఆర్.ఆర్’ తర్వాత చరణ్ చేయనున్న సినిమా ఇదే..!
Ranbir Kapoor on losing a parent, putting off his marriage on account of the pandemic, and the fear that he may have forgotten acting https://t.co/RkU0ibqMzd
— Rajeev Masand (@RajeevMasand) December 24, 2020
