వ‌న్ అండ్ ఓన్లీ లేడీ.. పీవీ సింధు

P V Sindhu Creates New Record At Tokyo Olympics 2021 : 

పుస‌ర్ల వెంక‌ట సింధు.. అదేనండీ మ‌న తెలుగు నేలనే కాకుండా యావ‌త్తు భార‌తావ‌నిని సంభ్ర‌మాశ్చ‌ర్యాల్లో ముంచేసిన స్టార్ ష‌ట్ల‌ర్ పీవీ సింధు.. నిజంగానే వ‌న్ అండ్ ఓన్లీ లేడీ అనే చెప్పాలి. ఎందుకంటే.. ఇప్ప‌టిదాకా భార‌త్ త‌ర‌ఫున వ‌రుస‌గా రెండు ఒలింపిక్స్ లో ప‌త‌కాలు నెగ్గిన తొలి భార‌త క్రీడాకారిణిగా పీవీ సింధు మ‌రెన్న‌టికీ చెరిగి పోని రికార్డును త‌న సొంతం చేసుకుంది. ఆదివారం జ‌రిగిన కాంస్య ప‌త‌కం బ‌రిలో చైనా ష‌ట్లర్ హి బింగ్జియావోను చిత్తు చేసిన సింధు వ‌రుస‌గా రెండు ఒలింపిక్స్ లోనూ రెండు ప‌త‌కాలు సాధించిన తొలి భార‌త మ‌హిళ‌గా రికార్డుల‌కెక్కింది. రియో ఒలింపిక్స్ లో ర‌జ‌త ప‌త‌కంతో భార‌త కీర్తి ప‌తాక‌ను ఎలుగెత్తి చాటిన సింధు..టోక్యో ఒలింపిక్స్ లో కాంస్య ప‌త‌కాన్ని సాధించి దేశానికి రెండో ప‌త‌కాన్ని అందించ‌డమే కాకుండా త‌న ఖాతాలోనూ రెండు ఒలింపిక్స్ ప‌త‌కాల‌ను చేర్చేసుకుంది.

వ‌రుస‌గా రెండు ప‌త‌కాలు..

ఇలా వరుస‌గా రెండు ఒలింపిక్స్ లో రెండు ప‌త‌కాలు సాధించిన భార‌తీయులు ఇప్ప‌టిదాకా ఒక్క‌రు మాత్ర‌మే ఉన్నారు. రెజ్లింగ్ లో భార‌త్ త‌ర‌ఫున బ‌రిలోకి దిగిన సుశీల్ కుమార్‌.. 2008 బీజింగ్‌, 2012 లండ‌న్ ఒలింపిక్స్ లో వ‌రుస ప‌త‌కాలు సాధించాడు. అయితే మ‌హిళ‌ల్లో మాత్రం ఇలా వరుస ఒలింపిక్స్ లో వ‌రుస ప‌త‌కాలు సాధించిన తొలి మ‌హిళ మాత్రం మ‌న సింధునే. ఇదిలా ఉంటే.. ఒలింపిక్స్ లో బ్యాడ్మింట‌న్ క్రీడాంశంలో భార‌త్ కు సింధు తాజాగా సాధించిన కాంస్యం హ్యాట్రిక్ ప‌త‌కం. 2012లో భార‌త్ త‌ర‌ఫున మ‌న తెలుగు నేల‌కే చెందిన సైనా నెహ్వాల్ కాంస్యం సాధించ‌గా.. ఆ త‌ర్వాత 2016 రియో ఒలింపిక్స్‌లో సింధు ఏకంగా ర‌జ‌త ప‌త‌కాన్ని సాధించింది. తాజాగా 2021 టోక్యో ఒలింపిక్స్ లో సింధు కాంస్య ప‌త‌కాన్ని కైవసం చేసుకుంది. మొత్తంగా భార‌త్ త‌ర‌ఫున రెండు ప‌త‌కాలు సాధించిన ఏకైన ష‌ట్ల‌ర్ గా పీవీ సింధు రికార్డుల‌కు ఎక్కింది.

అభినంద‌న‌ల వెల్లువ‌..

టోక్యో ఒలింపిక్స్ కు భార‌త్ త‌ర‌ఫున గ‌తంలో ఎన్న‌డూ లేనంత పెద్ద సంఖ్య‌లోనే క్రీడాకారులు వెళ్లారు. అయితే వారిలో ప‌త‌కం సాధించే అవ‌కాశాలున్న ప్లేయ‌ర్లుగా చాలా మందిపైనే అంచ‌నాలు ఉన్నాయి. అయితే ఆ అచంనాల‌ను ఒక‌రిద్ద‌రు మిన‌హా అంద‌రూ వ‌మ్ము చేశారు. అయితే పీవీ సింధు మాత్రం త‌పై దేశం పెట్టుకున్న న‌మ్మకాన్ని మాత్రం వ‌మ్ము చేయ‌లేదు. ఏకంగా స్వ‌ర్ణ ప‌త‌కానికే టార్గెట్ పెట్టిన సింధుస‌గా నెగ్గుతూనే వ‌చ్చింది. అయితే బ్యాడ్మింట‌న్ ర్యాంకింగ్స్ లో నెంబ‌ర్ వ‌న్ క్రీడాకారిణిగా ఉన్న చైనా క్రీడాకారిణి తైజూ చేతిలో ఓట‌మిపాలైనా.. కాంస్య ప‌త‌కం కోసం జ‌రిగిన పోటీలో అదే చైనాకు చెందిన హి బింగ్జియావో చిత్తు చేసి రికార్డు సృష్టించింది. భార‌త్ త‌ర‌ఫు కాంస్యం గెలిచిన సింధుకు రాష్ట్రప‌తి రామ్ నాథ్ కోవింద్‌, ప్ర‌ధాని న‌రేంద్ర మోదీ,వ‌రుస‌గా తెలుగు రాష్ట్రాల సీఎంలు జ‌గ‌న్‌, కేసీఆర్ లు అభినంద‌న‌లు తెలిపారు. టీడీపీ అధినేత నారా చంద్ర‌బాబునాయుడు మాత్రం నేరుగా పీవీ సింధుకు ఫోన్ చేసి మ‌రీ అభినందించారు.

Must Read ;- అప్పుడు క‌ర‌ణం.. 20 ఏళ్ల త‌ర్వాత ఇప్పుడు చాను!