సినీ అభిమానులు అందరూ ఎంతో ఆతృతగా ఎదురు చూస్తున్న సినిమా ఆర్ఆర్ఆర్. దర్శకధీరుడు రాజమౌళి తెరకెక్కిస్తోన్న ఆర్ఆర్ఆర్ సినిమా షూటింగ్ పూర్తి చేసుకుంది. ప్రస్తుతం పోస్ట్ ప్రొడక్షన్ వర్క్ జరుపుకుంటుంది. ఇందులో కొమరం భీమ్ గా ఎన్టీఆర్ – అల్లూరి సీతారామరాజుగా రామ్ చరణ్ నటిస్తున్న విషయం తెలిసిందే. దసరా కానుకగా అక్టోబర్ 13న ఈ సంచలన చిత్రాన్ని రిలీజ్ చేయనున్నట్టుగా ప్రకటించారు కానీ.. వాయిదా పడినట్టు వార్తలు వస్తున్నాయి. దీని పై క్లారిటీ రావాల్సివుంది.
ఇదిలా ఉంటే.. ఈ సినిమాలో మగధీరను మించిన ఫైట్ ఉంటదని.. ఈ ఫైట్ సినిమాకే హైలైట్ అంటూ ఓ వార్త బయటకు వచ్చింది. ఇంతకీ ఆ ఫైట్ ఎలా ఉంటుందంటే.. ఈ సినిమాలో ఎన్టీఆర్ పాత్రకి సంబంధించి డిజైన్ చేసిన ఒక యాక్షన్ ఎపిసోడ్ లో కొమరం భీమ్ ఆంగ్లేయుల పై తనదైన తరహాలో పోరాట శంఖం పూరిస్తాడట. దాంతో ఒకానొక కీలకమైన సమయంలో ఆయనను వంద మంది ఆంగ్లేయ సైనికులు చుట్టుముడతారట. అప్పుడు చోటుచేసుకునే యాక్షన్ సీన్ ఓ రేంజ్ లో ఉంటుందని అంటున్నారు.
ఈ యాక్షన్ ఎపిసోడ్ ను ఇరవై రోజులు పాటు చిత్రీకరించారట. వంద మందితో ఫైట్ అనగానే.. మగధీర సినిమా.. అందులోని వంద మందితో చరణ్ చేసిన ఫైట్ గుర్తుకువస్తుంది. ఈ సినిమాలో కొమరం భీమ్ గా ఎన్టీఆర్ చేసే ఫైట్ అంతకు మించి.. అనేలా ఉంటుందట. ఎమోషన్ తో కూడిన ఈ యాక్షన్ సీన్ కి థియేటర్లలో విజిల్స్ తో దద్దరిల్లుపోతుంది అంటున్నారు. ఈ ఫైట్ చూస్తే.. ఎన్టీఆర్ అభిమానులకు పండగే.
Must Read ;- ఆర్ఆర్ఆర్ డేట్ కి.. బాలయ్య అఖండ. ఇది నిజమేనా?
