పూటకో గొడవ.. రోజుకో రచ్చ.. అన్నట్లుంది ఎన్నికల కమిషన్, ఏపీ ప్రభుత్వాల మధ్య జరుగుతున్న వ్యవహారం గమనిస్తే. నిమ్మగడ్డ ఏదైనా చేస్తే చాలు, దానికి వ్యతిరేకంగా చేయడానికి ప్రభుత్వం సిద్ధంగా ఉంటుంది. అలాంటిదే ఎన్నికల కార్యదర్శి రవిచంద్ర వ్యవహారం. తాజాగా మరో జీవో జారీ చేసింది ఎన్నికల కమిషన్. మరి దీనిపై వ్యతిరేక దిశలో ఏం స్పందించనుందో ప్రభుత్వం.
ఐఏఎస్ ఆఫీసర్ ప్రవీణ్ ప్రకాష్, కలక్టర్లతో, పోలీసు అధికారులతో సమావేశాలు, చర్చలు జరపడాన్ని నిషేధిస్తూ.. ఎన్నికల కమిషన్ జీవో జారీ చేసింది. దీనికి సంబంధించి జీవోను ఎన్నికల కమిషన్, ప్రభుత్వ చీఫ్ సెక్రటరీకి పంపింది. మరి దీనిపై ఎలా స్పందిస్తారనే విషయంపై అందరూ ఆసక్తిగా ఎదురుచూస్తున్నారు.
ఎందుకంత ఆసక్తి?
ఎన్నికల కమిషన్ కాళ్లకు అడ్డం పడడమే మా ధ్యేయం అన్నట్లుగా వ్యవహరిస్తుంది ప్రభుత్వం. దానికి ప్రత్యక్ష నిదర్శనమే రవిచంద్రన్ వ్యవహారం. నిమ్మగడ్డ ఆదేశాలను ఎలాగైనా పాటించరాదనే పంతంతోనే కొత్త పోస్టును ఏర్పాటు చేసి మరీ, దాన్న బాధ్యతలను రవిచంద్రన్‌కు అప్పగించింది ప్రభుత్వం. మరి ఈ వ్యవహారంపై ప్రభుత్వం ఏ నిర్ణయం తీసుకోనుందో వేచి చూడాలి.
Must Read ;- భయభక్తులతో నిమ్మగడ్డ మీటింగులకు హాజరు!
