టాలీవుడ్ లో ‘ఆర్.ఎక్స్ 100’ చిత్రం ఏ రేంజ్ లో సంచలనం క్రియేట్ చేసిందో తెలిసిందే. హీరోగా కార్తికేయ, హీరోయిన్ గా పాయల్ రాజ్ పుత్ ఈ సినిమాతోనే టాలీవుడ్ లోకి ఎంట్రీ ఇచ్చారు. దర్శకుడిగా అజయ్ భూపతికీ ఈ సినిమా మంచి పేరు తెచ్చిపెట్టింది. రియల్ లైఫ్ ఇన్సిడెంట్స్ తో తెరకెక్కిన ఈ సినిమా ప్రేక్షకులకు మంచి థ్రిల్లింగ్ ఎక్స్ పెరీయన్స్ నిచ్చింది. ఇప్పుడు ఇదే సినిమా బాలీవుడ్ లోనూ అలరించడానికి రెడీ అవుతోంది.
మిలన్ లూద్రియా దర్శకత్వంలో సాజిద్ నడియావాలా నిర్మిస్తోన్న ఈ సినిమాకి ‘తడప్’ అనే టైటిల్ ఖాయం చేశారు. ఈ సినిమా ద్వారా బాలీవుడ్ నటుడు సునీల్ శెట్టి తనయుడు అహన్ శెట్టి హీరోగా పరిచయం అవుతున్నాడు. కథానాయికగా అందాల కథానాయిక తారా సుతారియా నటిస్తోంది. ఈ నేపథ్యంలో ఈ సినిమాకి సంబంధించిన ఫస్ట్ లుక్ పోస్టర్ ను ట్విట్టర్ వేదికగా విడుదల చేశారు మేకర్స్ . గాయాలతో ఉన్న హీరోని .. హీరోయిన్ గాఢంగా ముద్దుపెట్టుకొనే పోజుతో పోస్టర్ విడుదలైంది. అయితే ఇందులో హీరో ఫేస్ రివీల్ అవలేదు. హీరోయిన్ మాత్రం చాలా బోల్డ్ గా రివీలైంది.
యాన్ ఇంక్రెడిబుల్ లవ్ స్టోరీ అనే ట్యాగ్ లైన్ ను యాడ్ చేసుకొన్న తడప్ మూవీ సెప్టెంబర్ 24న ప్రపంచ వ్యాప్తంగా థియేటర్స్ లో విడుదల కాబోతోంది. మామూలుగానే సినిమాలో బోల్డ్ నెస్ ఎక్కువగా ఉంటుంది. అలాంటి ఈ సినిమా బాలీవుడ్ లో రీమేక్ అవుతోంది. దాంతో ఈ సినిమా ఇంకే రేంజ్ బోల్డ్ గా ఉంటుందనే క్యూరియాసిటీ మొదలైంది జనంలో. మరి తడప్ మూవీ బాలీవుడ్ లో ‘ఆర్.ఎక్స్. 100’ రేంజ్ లోనే మ్యాజిక్ చేస్తుందేమో చూడాలి.
This magical moment that we’ve been waiting for is finally here! ✨ Iss #Tadap ka intezaar hua khatam 🔥 #SajidNadiadwala’s #Tadap – An Incredible Love Story releases on 24th Sept in cinemas!#AhanShetty @TaraSutaria @milanluthria @WardaNadiadwala @foxstarhindi #FoxStarStudios pic.twitter.com/WhdELZfBnY
— Nadiadwala Grandson (@NGEMovies) March 2, 2021