బన్నీ స్టైల్ కి తాను ఫ్యాన్ అంటోన్న బాలీవుడ్ యంగ్ హీరో

టాలీవుడ్ స్టైల్ ఐకాన్ అల్లు అర్జున్ గురించి ప్రత్యేకించి చెప్పాల్సిన అవసరం లేదు. అతడి స్టైల్ కు, డ్యాన్సులకు దేశమంతా ఫ్యాన్స్ ఉన్నారు. మాలీవుడ్ లో అయితే.. అక్కడి స్ట్రైట్ హీరోలతో సమానంగా అతడ్ని ఆరాధించే వారున్నారు. అలాగే.. కోలీవుడ్ లో కూడా  బన్నీ డ్యాన్సులకు సెపరేట్ ఫ్యాన్ బేస్ ఉంది.  ఇక బాలీవుడ్ గురించి చెప్పాల్సి వస్తే.. చాలా మంది యంగ హీరోలు బన్నీ స్టైల్స్ కు ఫ్యాన్స్. అలాంటి వారిలో ఎప్పుడూ ముందు వరుస లో ఉంటాడు షాహిద్ కపూర్.  సందర్భం వచ్చినప్పుడల్లా షాహిద్ బన్నీ స్టైల్  ను. స్టైలింగ్ ను పొగుడుతూనే  ఉంటాడు. ఇప్పుడు ఆ లిస్ట్ లోకి బాలీవుడ్ యంగ్ డైనమైట్ టైగర్ ష్రాఫ్ కూడా వచ్చి చేరాడు. అతగాడు కూడా బన్నీకి అభిమానే.

బాలీవుడ్ లో యాక్షన్ మూవీస్ లో ఆరితేరిన యూత్ ఫుల్ స్టార్ టైగర్ ష్రాఫ్ ను  రీసెంట్ గా జరిగిన ఒక ఇంటరాక్షన్ లో కార్తిక్ రెడ్డి అనే బన్నీ అభిమాని ఒకరు ఒక ప్రశ్న వేశాడు. మీరు బన్నీలో బాగా  ఇష్టపడే అంశాలేంటి? అని అడడగానే  నిజం చెబుతున్నాను. నాకు బన్నీ బాడీ లాంగ్వేజ్ అన్నా, అతడి స్టైల్స్ అన్నా చాలా ఇష్టం. నేను కూడా అతడిలా చేస్తే బాగుండునని ఫీలవుతుంటాను. అని అతడు అనగానే.. వెంటనే ఆ అభిమాని బాగా ఖుషీ అయిపోయి.. చాలా బాగుంది టైగర్.. మీరు త్వరలోనే  అలా నటించాలని కోరుకుంటున్నాను. నీకు సహజంగానే ఆ గట్స్ ఉన్నాయి. ఈ సంవత్సరం మీకు అన్ని విధాలా కలిసిరావాలని కోరుకుంటున్నాను ‘కాసనోవా’ అని  తిరిగి బదులిచ్చాడు.  కాసనోవా టైగర్ సరికొత్త సినిమా. టైగర్ ఆ అభిమానికి ధన్యవాదాలు తెలిపాడు. దటీజ్ స్టైలిష్ స్టార్ అంటున్నారు బన్నీ  ఫ్యాన్స్.

Must Read ;- నిన్న స్టైలిష్ స్టార్ నేడు  మెగాస్టార్, మెగా పవర్ స్టార్

Hard to say, but i’m a fan of his moves and style. Wish i could do that.#AskTiger https://t.co/M83TGAEO4O

— Tiger Shroff (@iTIGERSHROFF) January 18, 2021