ప్రముఖ టాలీవుడ్ నిర్మాత, స్రవంతి మూవీస్ అధినేత రవికిశోర్ తండ్రి, ఎనర్జిటిక్ స్టార్ రామ్ తాతయ్య అయిన పోతినేని సుబ్బారావు కన్నుమూశారు. ఆయన వయసు 91 సంవత్సరాలు. అనారోగ్య సమస్యలతో కొంతకాలంగా బాధపడుతున్న ఆయన విజయవాడలోని తన స్వగృహంలో తుదిశ్వాస విడిచారు.
రవికిశోర్ సోదరుడు మురళి పోతినేని తనయుడే రామ్ అన్న సంగతి తెలిసిందే. తాతయ్య మరణంతో .. రామ్ భావోద్వేగానికి లోనయ్యారు. తమ కుటుంబం ఈ స్థాయికి రావడం వెనుక తాతయ్య కృషిని, శ్రమను రామ్ గుర్తుచేసుకున్నారు.
విజయవాడలో లారీ డ్రైవర్ గా జీవితం ప్రారంభించిన తమ తాతయ్యది రాజులాంటి మనసని, తమ కుటుంబానికి అన్ని వసతులు, సౌకర్యాలు కలిగించడం కోసం లారీ పక్కన నిద్రించిన రోజులున్నాయని, సంపదల్ని బట్టి ఎవరూ శ్రీమంతులు కారని, మంచి మనసున్నవారే శ్రీమంతులవుతారని తమకు నేర్పించారని, ఆయన వారసులందరూ ఈనాడు ఇంతటి ఉన్నత స్థాయిలో ఉండడానికి కారణం ఆయనేని.. తాతయ్య ఆత్మకి శాంతి చేకూరాలని భగవంతుడ్ని ప్రార్ధిస్తున్నానని రామ్ తన ట్విట్టర్ హ్యాండిల్ ద్వారా భావోద్వేగంతో చెప్పారు.
Must Read ;- ప్రముఖ సంగీత దర్శకుడు కే.యస్.చంద్రశేఖర్ కన్నుమూత
From humble beginnings of a lorry driver in Vijayawada sleeping with lorry tires under your bed to providing & caring for your family,you’ve always had the heart of a King.
You’ve shown us that richness comes not from what’s in your pocket but from what lies in your heart.
1/2 pic.twitter.com/TLBvzWRaiT— RAm POthineni (@ramsayz) May 18, 2021
