‘హ్యాపీ డేస్, కొత్త బంగారు లోకం’ సినిమాలతో టాలీవుడ్ లో మంచి క్రేజు తెచ్చుకున్నాడు వరున్ సందేశ్. ఆ తర్వాత అతడి కెరీర్ ను నిలబెట్టే సినిమాలేమీ రాలేదు. అందుకే ‘బిగ్ బాస్3’ లో కంటెస్టెంట్ గా పార్టిసిపేట్ చేసి .. కొంత క్రేజ్ తెచ్చుకున్నాడు. ఈ నేపథ్యంలో ఇన్నాళ్ళకు మళ్ళీ మరో సినిమాతో తన కెరీర్ ను తిరిగి నిలబెట్టుకొనే ప్రయత్నం చేస్తున్నాడు. సినిమా పేరు ‘ఇందువదన’.
మాధవి ఆదుర్తి నిర్మాణంలో యం.యస్.ఆర్ దర్శకత్వంలో ఈ సినిమా రూపొందుతోంది. ఈ సినిమా ద్వారా ఫర్నాజ్ శెట్టి కథానాయికగా తెలుగు తెరకు పరిచయం అవుతోంది. ఇక ఈ సినిమాకు సంబంధించిన నాయికా నాయకుల బోల్డ్ లుక్ ను విడుదల చేసింది చిత్ర బృందం. ప్రస్తుతం ఈ లుక్ సోషల్ మీడియాలో వైరల్ గా మారింది.
పంచెకట్టులో అర్ధనగ్నంగా ఉన్న వరుణ్ సందేశ్ .. లుక్ చాలా కొత్తగా ఉంది. ఆ లుక్ ను బట్టి ఇందువదన సినిమా ఒక పీరియాడికల్ లవ్ స్టోరీగా అర్ధమవుతోంది. అలాగే.. కథానాయికగా నటిస్తోన్న ఫర్నాజ్ శెట్టి కూడా బ్లౌజ్ లెస్ శారీలో.. ఒక గ్రామీణ గెటప్ తో దర్శన మిచ్చి.. షాకిచ్చింది. వీరిద్దరూ ఒకరినొకరు గాఢంగా కౌగలించుకొని తన ప్రేమలోని గాఢతను తెలియచెబుతున్నారు. వరుణ్ సందేశ్ రీఎంట్రీ.. సమ్ థింగ్ స్పెషల్ గా ఉంటేనే గానీ.. ప్రేక్షకులు సినిమా మీద ఆసక్తి చూపించరు. అందుకే ఇందువదన అనే ఓ ప్రేమ కావ్యంతో వెరైటీ గెటప్ తో రాబోతున్నాడని అర్ధం చేసుకోవచ్చు. మరి వరుణ్ కు ఇందువదన సినిమా ఎలాంటి సక్సెస్ ను అందిస్తుందో చూడాలి.
