మెగాస్టార్ చిరంజీవి, కొరటాల శివ కాంబినేషన్ లో వస్తోన్న మెసేజ్ ఓరియెంటెడ్ యాక్షన్ మూవీ ‘ఆచార్య’. దేవాలయ భూముల్లోని అక్రమాలు, అవినీతి నేపథ్యంలో ఈ సినిమా రూపొందుతోంది. కాజల్ అగర్వాల్ కథానాయికగా నటిస్తోన్న ఈ సినిమాలో మెగా పవర్ స్టార్ రామ్ చరణ్ సిద్ధ అనే మరో అతి ముఖ్యమైన పాత్రను పోషిస్తున్న సంగతి తెలిసిందే. దాదాపు 20 నిమిషాలు తెరమీద కనిపించే చరణ్ పాత్ర అభిమానుల్ని ఎంతగానో ఆకట్టుకుంటుందట. ఇక ఈ సినిమాని మే 13న విడుదల చేస్తున్నట్టు నిర్మాతలు ప్రకటించారు.
అయితే ప్రస్తుతం కరోనా సెకండ్ వేవ్ చాలా ఉధృతంగా ఉండడం, కేసులు బాగా పెరిగిన నేపథ్యంలో పలు చిత్రాలు విడుదల తేదీలు వాయిదా వేసుకున్నాయి. ఆ లిస్ట్ లో ‘ఆచార్య’ సినిమా కూడా ఉందని సమాచారం. సెకండ్ వేవ్ కారణంగా ఈ సినిమా షూటింగ్ కు కూడా అంతరాయం కలిగింది. అయితే ఈ సినిమాను ఎప్పుడు విడుదల చేస్తారు అనే విషయంలో అభిమానులు ఎంతో ఆత్రుతగా ఉన్నారు.
తాజా సమాచారం ప్రకారం ‘ఆచార్య’ విడుదలకు మేకర్స్ మరో పెర్ఫెక్ట్ తేదీని సెట్ చేసినట్టు తెలుస్తోంది. మెగాస్టార్ చిరంజీవి పుట్టినరోజు అయిన ఆగస్ట్ 22న ఆచార్య సినిమాను విడుదల చేయాలని నిర్మాతలు భావిస్తున్నారట. ఈలోగా ‘ఆచార్య’ బ్యాలెన్స్ సీన్స్ ను, రీషూట్ చేయాలనుకున్న సీన్స్ చిత్రీకరిస్తారట. లేటయినప్పటికీ చిరు పుట్టినరోజునాడు ఈ సినిమా విడుదల కానుండడం అభిమానుల్ని ఆనందపరిచే విషయమే. అతి త్వరలో ఆచార్య కొత్త విడుదల తేదీని నిర్మాతలు ప్రకటిస్తారట. మరి నిజంగానే ‘ఆచార్య’ చిరు పుట్టిన రోజును టార్గెట్ చేస్తుందేమో చూడాలి.
Must Read ;- అఆ.. అఖండ వర్సెస్ ఆచార్య
