నిజమే.. ఈ దఫా పడిన మొట్టికాయ మాత్రం కాస్తంత గట్టిగానే తగిలిందని చెప్పాలి. ఎందుకంటే.. ఈ మొట్టికాయ ఫలితంగా టీటీడీా ప్రత్యేక ఆహ్వానితుల జాబితా రద్దు అయిపోతుంది.. ఆ జాబితాలోని వారిని సిఫారసు చేసిన వారి వద్ద జగన్ సర్కారు పరువు పోతుంది. వెరసి ఏపీ హైకోర్టులో జగన్ సర్కారుపై పడిన తాజా మొట్టికాయ నొప్పి భరించలేనిదిగానే ఉంటుంది కదా. ఇతరత్రా రాజకీయ నేతల వద్దో, తన పార్టీకి చెందిన నేతల వద్దో పరువు పోతే.. జగన్ అంతగా పట్టించుకోవాల్సిన పని లేదు. అలా కాకుండా తన వద్దకు వచ్చీపోతూ తనకు కావాల్సిన పనులన్నీ చేసి పెడుతున్న వారితో పాటుగా, తనకు అవసరం అయిన వారంతా కూడా సిఫారసుల మీద సిఫారసులు చేస్తేనే.. టీటీడీా పాలక మండలికి రెగ్యులర్ కమిటీని ప్రకటిస్తూనే.. కొత్తగా 50 మందితో ప్రత్యేక ఆహ్వానితులంటూ జంబో జాబితాను జగన్ ప్రకటించారు. మరి ఈ జాబిాతానే హైకోర్టు కొట్టివేస్తే.. తన పరువు గంగలో కలిసినట్టే కదా. ఆ నొప్పి భరించరానిదిగానే ఉంటుంది కదా.
జంబో జాబితా రద్దు
ఇక అసలు విషయంలోకి వస్తే.. తిరుమల తిరుపతి దేవస్థానం (టీటీడీా)కి రెగ్యులర్ పాలక మండలిని ఇటీవలే జగన్ సర్కారు ప్రకటించింది. 25 మంది సభ్యులతో కూడిన ఈ కమిటీ పదవీ బాధ్యతలు కూడా చేపట్టేసింది. ఈ జాబితాను ప్రకటించిన మరునాడే.. బోర్డులో ప్రత్యేక ఆహ్వానితులంటూ ఏకంగా 50 మందితో జగన్ సర్కారు ో జంబో జాబితాను ప్రకటించింది. అయితే ఈ ప్రత్యేక ఆహ్వానితులకు బోర్డు సభ్యుల మాదిరిగా ఎలాంటి అధిాకరాలు గానీ, ఇతరత్రా కీలక విధులు గానీ ఉండవని, వారంతా వెంకన్న సేవకు మాత్రమే పరిమితమవుతారని కూడా ఆ జీవోలో జగన్ సర్కారు పేర్కొంది. ఈ జీవోపై అటు విపక్షాల నుంచే కాకుండా స్వపక్షం నుంచి కూడా నిరసనలు వ్యక్తమయ్యాయి. వెంకన్న సేవలో తరించాలంటే బోర్డు పదవులు అవసరం లేదని, సామాన్య భక్తులంతా వెంకన్న సేవలోనే తరిస్తున్నారని కూడా జగన్ సర్కారుపై సెటైర్లు పడ్డాయి.
బీజేపీ పోరు ఫలించినట్టే
ఈ జంబో జాబితాపై అందరికంటే ముందు బీజేపీ ఆగ్రహం వ్యక్తం చేసింది. టీటీడీ పాలకమండలిలో సభ్యుడిగా పని చేసిన ఆ పార్టీ నేత భానుప్రకాశ్ రెడ్డి ప్రత్యేక ఆహ్వానితుల పేరిట జగన్ స్వప్రయోజనాలు నెరవేరేలా తనకు అవసరమైన వ్యక్తుల సిఫారసుల మేరకు ఈ జంబో జాబితాను ప్రకటించారని ఆయన ఆరోపించారు. ఆ తర్వాత రాష్ట్ర గవర్నర్ ను కలిసిన బీజేపీ నేతలు ఈ జంబో జాబితాపై ఫిర్యాదు చేశారు. అదే సమయంలో ఈ జాబితాపై అనుమానాలు వ్యక్తం చేస్తూ హైకోర్టులోనూ పిటిషన్ దాఖలైంది. ఈ పిటిషన్ పై బుధవారం విచారణ చేపట్టిన హైకోర్టు జాబితాను విడుదల చేస్తున్న జీవోను కొట్టివేసింది. అంతేకాకుండా ఈ జాబితాను విడుదల చేసిన టీటీడీ, జగన్ సర్కారుపైనా కోర్టు ఆగ్రహం వ్యక్తం చేసింది.
Must Read ;- జగన్ జమానాలో మరో బిగ్ స్కాం
