టాలీవుడ్ లో కంటిన్యూస్ గా సూపర్ హిట్స్ అందుకుంటున్న దర్శకుల్లో అనిల్ రావిపూడి ఒకరు. నాటి ‘పటాస్’ నుంచి నిన్నటి ‘సరిలేరు నీకెవ్వురు’ సినిమాల వరకూ.. పరాజయం అన్నదే ఎరుగని
టాలెంటెడ్ డైరెక్టర్ .. ఎప్పటి నుంచో నటసింహ బాలయ్యతో తన స్టైల్లో ఒక సినిమా తీయాలని అనుకుంటున్నాడు. ‘రామారావు’ అనే అదిరిపోయే స్ర్కిప్ట్ కూడా రాసుకున్నాడు. ఎందుకనో ఈ ప్రాజెక్ట్ వర్కవుట్ అవడంలో జాప్యం జరిగింది. ఇప్పుడు దానికి రూట్ క్లియర్ అయిందనే టాక్స్ వినిపిస్తున్నాయి.
ప్రస్తుతం ‘ఎఫ్ 3’ సినిమా షూటింగ్ హడావిడిలో ఉన్న అనిల్ రావిపూడికి .. ఆ తర్వాత రామ్ తోనూ, మహేశ్ బాబు తోనూ కమిట్ మెంట్స్ ఉన్నాయి. ఈ రెండూ పూర్తికాగానే.. అనిల్ రావిపూడి .. బాలయ్య తో పూర్తి స్థాయి యాక్షన్ ఎంటర్ టైనర్ తెరకెక్కించబోతున్నాడని తెలుస్తోంది. ప్రస్తుతం బాలకృష్ణ .. బోయపాటి ‘అఖండ’ సినిమాను కంప్లీట్ చేసే మూడ్ లో ఉన్నారు. ఇది పూర్తి కాగానే.. గోపీచంద్ మలినేని తో కమిట్ మెంట్ ఉంది. ఈ సినిమా పూర్తికాగానే.. ఆయన తదుపరి చిత్రం అనిల్ రావిపూడితోనే అని సమాచారం.
ఇటీవల అనిల్ .. బాలయ్యకి స్టోరీ వినిపించాడట. దానికి బాగా ఇంప్రెస్ అయిన ఆయన సినిమాకి గ్రీన్ సిగ్నల్ ఇచ్చాడట. అయితే అనిల్ రావిపూడి .. ఎప్పుడో రాసుకున్న రామారావు స్ర్కిప్ట్ తోనే సినిమా తీస్తాడో లేక మరో ఫ్రెష్ సబ్జెక్ట్ తో వస్తాడో ఇంకా తెలియదు. మరి ఈ వార్తలో నిజానిజాలేంటో తెలియాలంటే.. ఈ కాంబో గురించి అఫీషియల్ అనౌన్స్ మెంట్ వచ్చే వరకూ ఆగాల్సిందే.
Must Read ;- డిస్నీ హాట్ స్టార్ ‘అఖండ’ మైన ఆఫర్
