అక్కినేని నాగార్జున , దియా మీర్జా, ఆలీ రెజా, సయామీ ఖేర్ ప్రధాన పాత్రలు పోషించిన యాక్షన్ థ్రిల్లర్ మూవీ వైల్డ్ డాగ్ . హైద్రాబాద్ గోకుల్ చాట్, దిల్ సుఖ్ నగర్ లో జరిగిన వరుస బాంబు పేలుళ్ళ సంఘటన ఆధారంగా రూపొందిన ఈ సినిమాకి దర్శకుడు అహిషోర్ సోలమన్. మ్యాట్నీ ఎంటర్ టైన్ మెంట్స్ బ్యానర్ పై నిరంజన్ రెడ్డి ఈ సినిమాను ప్రొడక్షన్ నెం. 6 గా నిర్మించారు. ఈ సినిమా ఏప్రిల్ 2న ప్రపంచ వ్యాప్తంగా విడుదల కాబోతున్న నేపథ్యంలో హీరో నాగార్జున మీడియా సమావేశంలో వైల్డ్ డాగ్ గురించి ఆసక్తికరమైన ఎన్నో విశేషాల్ని షేర్ చేసుకున్నారు.
ట్రైలర్ బాగా హెల్ప్ అయింది
వైల్డ్ డాగ్ సినిమాకి హైపు బాగా రావడానికి దాని ట్రైలర్ ఎంతో హెల్ప్ చేసిందని నాగ్ అభిప్రాయపడ్డారు . ఆడియన్స్ ను థియేటర్స్ కు రప్పించడానికి, సినిమా మీద ఆసక్తి క్రియేట్ అవడానికి ట్రైలర్ బాగా దోహదపడిందని , ఈ సినిమా మీద తాము ఏం చెప్పబోతున్నామో జనానికి అర్ధమైందని.. మొత్తానికి వైల్డ్ డాగ్ సినిమా రిలీజ్ కానున్న నేపథ్యంలో ట్రైలర్ కు మంచి రెస్పాన్స్ వస్తున్నందుకు చాలా హ్యాపీ గా ఉందని చెప్పారు నాగ్.
చాలా కాన్ఫిడెంట్ గా ఉన్నాను
వైల్డ్ డాగ్ లో తాను పోషించిన ఏసీపీ విజయ్ వర్మ పాత్ర తన కెరీర్ లోనే చాలా బెస్ట్ అని నాగార్జున చెబుతున్నారు. అందుకే ఈ సినిమా పై చాలా కాన్ఫిడెంట్ గా ఉన్నానని, మగాడంటే అలాగే ఉండాలని ఈ పాత్ర చూస్తే ఎవరైనా అభిప్రాయ పడతారని నాగార్జున చెప్పారు.
కొత్త రకమైన యాక్షన్ ఎపిసోడ్స్
ఇది రియల్ ఇన్సిడెంట్స్ తో కూడుకున్న సినిమా కాబట్టి.. అందులో సినిమాటిక్ యాక్షన్ ఎపిసోడ్స్ పెట్టలేమని, అందుకే రియలిస్టిక్ యాక్షన్ ఎపిసోడ్స్ ను ఇందులో వర్కవుట్ చేశామని, అవి సినిమాలో చాలా కొత్తగా ఉంటాయని, తప్పకుండా అవి ప్రేక్షకులకు బాగా నచ్చుతాయని నాగ్ చెప్పారు. అంతేకాదు ఇదొక న్యూ ఏజ్ కమర్ఱియల్ మూవీ అని.. దానికి తగ్గట్టుగానే సినిమాలోని యాక్షన్ ఎపిసోడ్స్ ప్లాన్ చేశామని అన్నారు.
Must Read ;- టీజర్ ప్రోమో : ఐయామ్ నాట్ ఓకే దట్ అంటోన్న ‘వైల్డ్ డాగ్’
